Author: નોબત સમાચાર
ખંભાળિયામાં ટ્રકમાંથી ઝડપાઈ દારૂની છવ્વીસ બોટલઃ દ્વારકાના બેની ધરપકડ
નવાપરામાં મકાનમાંથી મળી અઠ્યાવીસ બોટલઃ
જામનગર તા. ૨૫: ખંભાળિયામાં જિલ્લા પંચાયત કચેરી પાસેથી ગઈકાલે રાત્રે એક ટ્રકમાં લઈ જવાતી અંગ્રેજી શરાબની ૨૬ બોટલ પોલીસે પકડી પાડી છે. બોટલ સાથે દ્વારકા શહેરના બે શખ્સ મળી આવ્યા છે. જ્યારે નવાનાકા પાસે રહેતા એક શખ્સના મકાનમાંથી પોલીસે દારૂની ર૮ બોટલ કબજે કરી બે શખ્સની ધરપકડ કરી લીધી છે.
ખંભાળિયા શહેરમાં એક ટ્રક મારફતે ઈંગ્લીશ દારૂનો જથ્થો ઘૂસાડવામાં આવી રહ્યો હોવાની બાતમી પરથી ગઈકાલે રાત્રે ખંભાળિયા પોલીસ સ્ટાફે વોચ ગોઠવી હતી.
તે દરમિયાન જિલ્લા પંચાયતની ઈમારત પાસેથી જીજે-૩૭-ટી ૬૩૨૯ નંબરનો ટ્રક નીકળતા તેને અટકાવી પોલીસે તલાશી લેતા આ ટ્રકમાંથી ભારતીય બનાવટના અંગ્રેજી શરાબની ૨૬ બોટલ મળી આવી હતી. તે જથ્થા સાથે દ્વારકાની વંદે માતરમ્ સોસાયટીમાં રહેતો ડાડુભા લાલાભા માણેક તથા બિરલા પ્લોટમાં રહેતો ભરત અરવિંદલાલ ધાયાણી નામના બે શખ્સ મળી આવ્યા હતા.
પોલીસે દારૂની બોટલ, બે મોબાઈલ તથા રૂ. ૧૫ લાખનો ટ્રક કબજે કરી ડાડુભા તથા ભરતની ધરપકડ કરી છે. બંને શખ્સની પૂછપરછ આરંભી છે.
ખંભાળિયા શહેરમાં નવા નાકા પાસે આવેલા રાકેશ ગોવિંદભાઈ રાઠોડ નામના શખ્સના મકાનમાં ગઈકાલે સાંજે ખંભાળિયા પોલીસે દરોડો પાડી ચેક કરતા ત્યાંથી વ્હીસ્કીની ર૮ બોટલ મળી આવી હતી. પોલીસે રાકેશ તથા ધીરજ ડાયાભાઈ રાઠોડની ધરપકડ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
