Author: નોબત સમાચાર
કલ્યાણપુરના રાજપરામાં સરકારી ખરાબામાંં જામેલા જુગાર પર દરોડાઃ છ પન્ટર પકડાયા
ખંભાળિયામાંથી વર્લીબાજની ધરપકડઃ
જામનગર તા. ૨૫: કલ્યાણપુરના રાજપરા ગામમાં એક ખેતર નજીક આવેલા સરકારી ખરાબામાં ગઈકાલે કલ્યાણપુર પોલીસે દરોડો પાડી ત્રણ શખ્સને ગંજીપાના કૂટતા પકડી લીધા હતા. તે પછી બાજુમાં જ પાડવામાં આવેલા બીજા દરોડામાં પણ ત્રણ પત્તાપ્રેમી ઝડપાઈ ગયા હતા. ખંભાળિયામાંથી વર્લીબાજ મળી આવ્યો હતો.
દેવભૂમિ દ્વારકા જિલ્લાના કલ્યાણપુર તાલુકાના રાજપરા ગામમાં ગઈકાલે સાંજે જુગાર રમાતો હોવાની બાતમી પરથી કલ્યાણપુર પોલીસ સ્ટેશનના સ્ટાફે દેવાભાઈ ખેતાભાઈ વાઢેર નામના ખેડૂતના ખેતર પાસે દરોડો પાડતા ત્યાં આવેલા સરકારી ખરાબામાં ગંજીપાના વડે જુગાર રમતા ધીરજભાઈ કાંતિભાઈ લાલ, હાસમભાઈ ઈસ્માઈલ ભાયા, અમૂલભાઈ વસંતભાઈ પંચમતીયા નામના ત્રણ શખ્સ તીનપત્તી રમતા મળી આવ્યા હતા. પોલીસે પટમાંથી રૂ. ૧૨૪૦૦ રોકડા કબજે કરી ગુન્હો નોંધ્યો છે.
ત્યાં નજીકમાં જ પાડવામાં આવેલા બીજા દરોડામાં તીનપત્તી રમતા અલારખા ઈસ્માઈલ, સીદીક સુલેમાન સંઘાર, સતાર ઈસ્માઈલ સંઘાર નામના અન્ય ત્રણ શખ્સ પણ ઝડપાઈ ગયા હતા. ત્યાંથી પોલીસે રૂ. ૧૩૬૦૦ રોકડા, ગંજીપાના કબજે કર્યા છે.
ખંભાળિયા શહેરના જોધપુર નાકા પાસે ગઈકાલે બપોરે વર્લીના આંકડા લખતા ધીરજલાલ નાનજીભાઈ પાઉં ઉર્ફે ગબ્બર નામના શખ્સને પકડી લેવામાં આવ્યો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
