Author: નોબત સમાચાર
મોટી લાખાણી તથા નાની લાખાણીમાંથી દારૂની ૬૨ બોટલ, ૩૬ ટીન બીયર મળ્યા
નહેરૂનગરમાં મકાનમાંથી ત્રણ બોટલ પકડાઈઃ
જામનગર તા. ૨૫: જામનગર તાલુકાના મોટી લાખાણી ગામમાં એલસીબીએ ગઈરાત્રે પૂર્વ બાતમીના આધારે એક શખ્સના મકાનમાં દરોડો પાડી દારૂની ૪૧ બોટલ તથા બીયરના ૩૬ ટીન કબજે કર્યા છે. તેણે આપેલા સપ્લાયરના નામ પરથી નાની લાખાણીમાં બીજા દરોડામાં દારૂની ૨૧ બોટલ મળી આવી છે. સપ્લાયરનું નામ ખૂલ્યું છે. નહેરૂનગરમાં મકાનમાંથી ત્રણ બોટલ દારૂ મળી આવ્યો છે.
જામનગર તાલુકાના મોટી લાખાણી ગામમાં એક મકાનમાં દારૂનો જથ્થો પડ્યો હોવાની બાતમી એલસીબીના મયુર સિંહ, હરદીપ બારડ, ઋષિરાજ સિંહને મળતા પીઆઈ વી.એમ. લગારીયાને વાકેફ કરાયા પછી ગઈકાલે રાત્રે દોઢેક વાગ્યે એલસીબીના સ્ટાફે મોટી લાખાણી ગામમાં રાજેન્દ્રસિંહ નાનભા જાડેજા ઉર્ફે રાજભાના મકાનમાં દરોડો પાડ્યો હતો.
તે મકાનની તલાશી લેવાતા ત્યાંથી ભારતીય બનાવટના અંગ્રેજી શરાબની ૪૧ બોટલ તથા બીયરના ૩૬ ટીન મળી આવ્યા હતા. આ જથ્થા સાથે રાજભાની અટકાયત કરાઈ છે. તેણે ઉપરોક્ત જથ્થો નાની લાખાણી ગામના રાજેન્દ્રસિંહ મહિપતસિંહ જાડેજા ઉર્ફે રાજુ પાસેથી લીધાની કબૂલાત આપી છે. બંને સામે પંચકોશી એ ડિવિઝન પોલીસ સ્ટેશનમાં ગુન્હો રજીસ્ટર કરાવાયો છે.
ત્યારપછી રાત્રે પોણા ત્રણ વાગ્યે એલસીબી સ્ટાફે નાની લાખાણી ગામમાં રાજેન્દ્રસિંહ મહિપતસિંહ જાડેજાના મકાનમાં દરોડો પાડી તલાશી લેતાં ત્યાંથી અંગ્રેજી શરાબની ૨૧ બોટલ મળી આવી હતી. આ શખ્સે નાની લાખાણી ગામના જ રવિરાજસિંહ બહાદુરસિંહ જાડેજા પાસેથી દારૂ લીધાની કબૂલાત આપી છે. એલસીબીએ દારૂ, એક મોબાઈલ કબજે કર્યાે છે.
જામનગરના શંકરટેકરી વિસ્તારમાં આવેલા નહેરૂનગર માં ભાવિન મહેશભાઈ રાઠોડ નામના શખ્સના મકાનમાં ગઈકાલે સાંજે સિટી સી ડિવિ. ના પીએસઆઈ આર.ડી. ગોહિલ તથા સ્ટાફે દરોડો પાડી ઈંગ્લીશ દારૂની ત્રણ બોટલ કબજે કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
