Author: નોબત સમાચાર
જામનગરમાં હાથ ધરાયેલા વીજ ચેકીંગમાં ઝડપાઈ ગઈ રૂપિયા પંદર લાખની વીજચોરી
૫ચ્ચીસ જોડાણમાંથી મળી આવી ગેરરીતિઃ
જામનગર તા. ૨૪: જામનગરની પીજીવીસીએલ કચેરી દ્વારા ગઈકાલે દિગ્વિજય પ્લોટથી સાધનાકોલોની સુધીના વિસ્તારમાં કરાયેલા વીજ ચેકીંગમાં પચ્ચીસ જોડાણમાંથી રૂા.૧૫ લાખ રપ હજારની વીજચોરી ઝડપાઈ છે.
જામનગરની સ્થાનિક પીજીવીસીએલ કચેરી દ્વારા વીજચોરી પકડવા માટે ફરીથી શરૂ કરવામાં આવેલા ચેકીંગ દરમિયાન ગઈકાલે સ્થાનિક અધિકારીઓના વડપણ હેઠળ ની ૧૫ ટૂકડી જામનગર શહેરના દિગ્વિજય પ્લોટ, પવનચક્કી, હર્ષદ મીલની ચાલી, નંદનવન સોસાયટી, સાધના કોલોની સહિતના વિસ્તારોમાં પહોંચી હતી. આ ટૂકડીઓએ ગઈકાલે સાંજ સુધી કરેલી ચેકીંગ કાર્યવાહીમાં ૧૮૨ વીજ જોડાણ ચકાસવામાં આવ્યા હતા. જેમાંથી ૨૫ જોડાણમાં ગેરરીતિ જોવા મળી હતી. આ જોડાણના ધારકોને રૂા.૧૫ લાખ ૨૫ હજારના પુરવણી બીલ ફટકારવામાં આવ્યા છે. આ ટૂકડીઓની સાથે સ્થાનિક પોલીસ ઉપરાંત એસઆરપીના ૧૫ જવાનને સુરક્ષા માટે સાથે જોડવામાં આવ્યા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
