Author: નોબત સમાચાર
ચોરી કરેલા સ્કૂટરમાં નકલી નંબર પ્લેટ લગાડી ફરતો શખ્સ ઝબ્બેઃ નોંધાયો ગુન્હો
થોડા દિવસ પહેલાં જ ચોરાયું હતું સ્કૂટરઃ
જામનગર તા. ૨૪: જામનગરના સત્યમ્ કોલોની વિસ્તાર પાસેથી એક્ટિવામાં ખોટી નંબર પ્લેટ લગાડીને જઈ રહેલા એક શખ્સને પોલીસે પકડી લઈ સ્કૂટર કબજે કર્યું છે. આ સ્કૂટર થોડા દિવસ પહેલાં ચોરાઈ ગયાની પોલીસમાં ફરિયાદ કરવામાં આવી હતી.
જામનગરમાં એક આસામી નકલી નંબર પ્લેટ લગાડી પોતાનું એક્ટિવા સ્કૂટર ફેરવતો હોવાની અરજી અમદાવાદના એક આસામીએ કરી હતી. તે અરજી અન્વયે તપાસ માટે એસપી પ્રેમસુખ ડેલુએ સૂચના આપતા ટ્રાફિક શાખાના પીઆઈ એમ.બી. ગજ્જરે પીએસઆઈ આર.સી. જાડેજાને માર્ગદર્શન આપ્યંુ હતું. તે મુજબ શહેરના જુદા જુદા વિસ્તારમાં મુકવામાં આવેલા સીસીટીવી કેમેરાના ફૂટેજ ચકાસવામાં આવ્યા હતા.
તે દરમિયાન સત્યમ્ કોલોની અન્ડરબ્રિજ પાસેથી મૂળ ખેડા જિલ્લાના માતર તાલુકાનો વતની અને અંધાશ્રમ પાસે જૂના આવાસમાં રહેતો રાજેશ રતીલાલ પંચાલ નામનો શખ્સ સફેદ રંગના એક્ટિવા સાથે મળી આવ્યો હતો. તેની પૂછપરછ કરાતા તેણે આ સ્કૂટરના સાચા નંબર જીજે-૧૦-સીસી ૮૩૩૦ની બદલે જીજે-૧-ઈયુ ૯૨૦૭ નંબર લખેલા હોવાનું જણાઈ આવ્યું હતું. તેની પૂછપરછ કરાતા થોડા દિવસ પહેલાં સિટી સી ડિવિઝન પોલીસ સ્ટેશનમાં આ સ્કૂટર ચોરાઈ ગયાનો ગુન્હો નોંધાયો હોવાનું ખૂલ્યું હતું. પીએસઆઈ આર.સી. જાડેજાએ ખુદ ફરિયાદી બની રાજેશ પંચાલ સામે બીએનએસ કલમ ૩૩૬ (ર) (૩), ૩૪૦ (ર) હેઠળ ગુન્હો નોંધાવ્યો છે. પોલીસે ઉપરોક્ત સ્કૂટર કબજે કરી લીધુ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
