Author: નોબત સમાચાર
જામજોધપુરના બુટાવદર તથા વનાણા ગામમાં જુગટુ ખેલતા નવ શખ્સ પકડાયા
લાલપુર બાયપાસ પાસે તીનપત્તી રમતા ચાર ઝડપાયાઃ
જામનગર તા. ૨૪: જામનગરના લાલપુર બાયપાસથી ખીજડિયા બાયપાસ વચ્ચે આવેલી હાઈવે ટેન હોટલ પાછળ જાહેરમાં તીનપત્તી રમતા ચાર શખ્સને પોલીસે પકડી પાડ્યા છે. જામજોધપુરના બુટાવદર તથા વનાણા ગામમાંથી નવ શખ્સ ગંજીપાના કૂટતા ઝડપાઈ ગયા છે.
જામનગરના લાલપુર બાયપાસથી ઠેબા બાયપાસ વચ્ચે આવેલી એક હોટલ પાછળ ગઈકાલે બપોરે જુગાર રમાતો હોવાની બાતમી પરથી પંચકોશી-બી પોલીસ સ્ટેશનના સ્ટાફે દરોડો પાડ્યો હતો.
ત્યાંથી ગંજીપાના વડે જુગાર રમી રહેલા લાલસુર હીરાભાઈ ઘોડા, રાયાભાઈ પીઠાભાઈ રાજાણી, સાબાભાઈ નારણભાઈ સોમાત, મેરૂભાઈ માલદેભાઈ ચેતરીયા નામના ચાર શખ્સ મળી આવ્યા હતા. પટમાંથી રોકડા રૂા.૧૮,૫૯૦ અને ગંજીપાના કબજે કરી પોલીસે ગુન્હો નોંધ્યો છે.
જામજોધપુર તાલુકાના બુટાવદર ગામમાં સોસાયટી વિસ્તારમાં ગઈકાલે બપોરે જાહેરમાં તીનપત્તી રમતા લાખા અરજણભાઈ કાંબરીયા, અરજણભાઈ શામજીભાઈ મકવાણા, બાવનજીભાઈ જીવરાજભાઈ ઝીંઝુવાડીયા, ચનાભાઈ અરજણભાઈ કાંબરીયા, બાવનજીભાઈ અરજણભાઈ કાંબરીયા નામના પાંચ શખ્સને શેઠવડાળા પોલીસે દરોડો પાડીને પકડી લીધા હતા. રૂા.૧૮૧૦ રોકડા પટમાંથી કબજે લેવાયા છે.
જામજોધપુર તાલુકાના વનાણા ગામની ગૌશાળા પાસે ગઈકાલે રાત્રે જાહેરમાં ગંજીપાના કૂટતા વિક્રમભાઈ અજાભાઈ આંબલીયા, કારાભાઈ મેરામણભાઈ કરંગીયા, કારાભાઈ માલદેભાઈ આંબલીયા, ઉકાભાઈ ભીમશીભાઈ આંબલીયા નામના ચાર વ્યક્તિને પોલીસે દરોડો પાડી ઝડપી લીધા હતા. પટમાંથી રૂા.૩૧૬૦ રોકડા કબજે કરાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
