Author: નોબત સમાચાર
દસ હજારની સામે પચ્ચાસ હજાર માંગી ચાર પુત્ર-પિતાએ કર્યાે હુમલોઃ વાહનમાં નુકસાન
પ્રૌઢ પર મહિલા સહિત ત્રણનો હલ્લોઃ
જામનગર તા. ૨૧: જામનગરના એક પ્રૌઢ પાસે દસ વર્ષ પહેલાં આપેલા રૂ. ૧૦ હજારની સામે રૂ. ૫૦ હજાર માંગી ત્રણ પુત્ર-પિતાએ હુમલો કરી માર મારી બે વાહનમાં તોડફોડ કરી હતી. વચ્ચે પડનાર પ્રૌઢના પુત્રને પણ લમધારાયો હતો. જ્યારે પુત્રી વિશે જેમતેમ બોલતા મહિલાને સમજાવટ કરાતા આ મહિલા અને અન્ય બે શખ્સે હુમલો કરી એક વ્યક્તિને માર માર્યાે હતો.
જામનગરના દિગ્જામ સર્કલ નજીક આવેલા ગણપત નગરમાં રહેતા અને શાક ભાજીનો વ્યવસાય કરતા દિલીપભાઈ હેમુભાઈ રાઠોડ નામના દેવીપૂજક પ્રૌઢે દસેક વર્ષ પહેલાં નિલકમલ સોસાયટીમાં રહેતા ગઢવી મોમૈયાભાઈ પાસેથી રૂ. ૧૦ હજાર લીધા હતા.
તે રકમ પાછી આપવાની વાત કરવા ગઈકાલે સાંજે નિલકમલ સોસાયટીમાં દિલીપભાઈને બોલાવવામાં આવ્યા હતા. ત્યાં ગયેલા આ પ્રૌઢ પાસે સાહિલ મોમૈયાભાઈ, હાર્દિક મોમૈયાભાઈએ રૂ. ૫૦ હજાર માંગ્યા હતા. ૧૦ હજારની સામે રૂ. ૫૦ હજાર કેવી રીતે આપવાના? તેમ પૂછતા ઉશ્કેરાયેલા હાર્દિક, સાહિલ, નરેશ તથા મોમૈયાભાઈ ગઢવીએ લાકડી, સળીયા, ઢીકાપાટુથી દિલીપભાઈ તથા તેના પુત્રને માર મારવા ઉપરાંત દિલીપભાઈના બાઈક અને છકડામાં નુકસાન કર્યું હતું. સિટી સી ડિવિઝન પોલીસ સ્ટેશનમાં તેની ફરિયાદ કરવામાં આવી છે.
જામનગરની તિરૂપતિ સોસાયટી નજીક યોગેશ્વર ધામમાં રહેતા વિજયભાઈ મલુકદાસ શ્રીમાળી નામના પ્રૌઢની પુત્રી વિશે દીપાબેન જેમતેમ બોલતા હતા. આ બાબતે વિજયભાઈના પત્નીને દીપાબેન સાથે ફોનમાં બોલાચાલી થયા પછી ગઈકાલે રાત્રે ખુલ્લા ફાટક નજીક આવેલા દીપાબેન, મુંજાભાઈ અને એક અજાણ્યા શખ્સે ગાળો ભાંડી પ્લાસ્ટિકના પાઈપ તથા ઢીકાપાટુથી વિજયભાઈ પર હુમલો કરી માર માર્યાે હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
