રતન ટાટાનો પ્રાણી પ્રેમ : રૂપિયા ૧૬પ કરોડના ખર્ચે કૂતરાઓ તથા પ્રાણીઓ માટે બનાવી હતી હોસ્પિટલ

Author: નોબત સમાચાર

રતન ટાટાનો પ્રાણી પ્રેમ : રૂપિયા ૧૬પ કરોડના ખર્ચે કૂતરાઓ તથા પ્રાણીઓ માટે બનાવી હતી હોસ્પિટલ

મીઠાપુરની ટાટા કંપનીના અધિકારી-કર્મચારીઓએ આપી શ્રદ્ધાંજલિ

ખંભાળીયા તા. ૧૧: ટાટા ગ્રુપના રતન ટાટા તેમના સેવાકીય કાર્યો માટે પ્રસિદ્ધ છે. તેમનો ડોગ તથા પ્રાણી પ્રેમ પણ ખૂબ જ જાણીતો છે. નવી મુંબઈમાં ર૦૦ બેડની કૂતરા તથા પ્રાણીઓની સારવાર માટેની અદ્યતન સુવિધાવાળી ૧૬પ કરોડની પાંચ માળની હોસ્પિટલ તેમણે બનાવેલી તથા કેટલાયે શ્વાનને તેઓએ વિદેશમાં સારવાર માટે પણ વ્યવસ્થા કરાવી હતી.

તેમનું મૃત્યુ થતા તેમનો પાળીતો ડોગ ગોવા ખાધા પીધા વગર જ તેમના શબ પાસે બેઠો રહ્યો હતો તથા કોઈથી હટ્યા વગર પોતાના માલિકને અશ્રુભીની આંખે અંતિમ વિદાય આપી હતી.

મીઠાપુરની ટાટા કેમિકલ્સ તાતા સામ્રાજ્યનું નાનું પણ મહત્ત્વનું અંગ હોય ૧૯૯૭ માં રતન તાતા મીઠાપુર આવ્યા હતા તથા કંપનીની તથા ટાટા કેમિકલ શાખાની પણ મુલાકાત લીધી હતી તથા દ્વારકા જેવા પછાત વિસ્તારમાં તેમની ટાટા કંપની લોકોને રોજગારી આપે તથા શિક્ષણ આપે તેવા પ્રયત્નો તેમણે છેવટ સુધી ચાલુ રાખ્યા હતાં. ટાટા કેમિકલ્સના તમામ કર્મચારીઓએ મૌન પાડી સ્વ. રતન ટાટા શ્રદ્ધાંજલિ આપી હતી.

જો આપને આ પોસ્ટ ગમી હોય તો શેર કરો...