Author: નોબત સમાચાર
દ્વારકા આવતા યાત્રિકોને ડ્રોન પ્રોહિબીટેડ ઝોન અંગે વાકેફ કરવા હોટલ સંચાલકોને અનુરોધ
હોટલ એસોસિએશનને સાથ આપવા હાકલઃ
દ્વારકા તા. ૧૧: દ્વારકા શહેરમાં હોટલ ચલાવતા વેપારીઓ તથા તેમની ટીમને બહારગામથી આવતા યાત્રિકોને ડ્રોન પ્રોહિબીટેડ ઝોન અંગે જાણકારી આપે તેવો અનુરોધ દ્વારા ડીવાયએસપીએ કર્યાે છે.
દ્વારકા શહેરમાં જાણીતી ટીવી સિરિયલના શૂટીંગ માટે આવેલી ટીમના એક સદસ્ય સામે પોલીસે ડ્રોન કેમેરો ઉડાડવા અંગે જાહેરનામા ભંગનો ગુન્હો નોંધ્યો છે. ત્યારે ગઈકાલે દેવભૂમિ દ્વારકા જિલ્લા ડીવાયએસપી સાગર રાઠોડે દ્વારકા આવતા ભાવિકો દ્વારકાધીશ મંદિરની આજુબાજુ કે નિજમંદિર, પરિસરની પાસે ડ્રોન કેમેરો ઉડાડવો પ્રતિબંધિત છે. તે બાબતની જાણકારી ટુરિઝમ સાથે સંકળાયેલા વ્યક્તિઓ આપે તેવો અનુરોધ કર્યાે છે.
ડીવાયએસપીએ જણાવ્યું છે કે, સિરિયલના શૂટીંગ માટે આવેલી ટીમના ડ્રોન ઓપરેટરે ગોમતીઘાટ પાસે ડ્રોન કેમેરો ઉડાડ્યો હતો. તેથી તેની સામે ગુન્હો નોંધવામાં આવ્યો છે ત્યારે હોટલ એસોસિએશન પોતાની હોટલમાં ઉતરતા યાત્રિકોને આ બાબતની પહેલેથી જ જાણકારી આપી અહીં ડ્રોન કેમેરાનો ઉપયોગ પ્રતિબંધિત છે તેમ જણાવે તો કોઈપણ યાત્રિક જાણ્યે અજાણ્યે આવી પ્રવૃત્તિથી બચી શકે. તેથી હોટલના બિઝનેસ સાથે સંકળાયેલા વ્યક્તિઓ અને તેમની ટીમ યાત્રિકોને માહિતગાર કરી શકે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
