Author: નોબત સમાચાર
જામનગર, જામજોધપુર, ખંભાળિયા તથા ભાટીયામાંથી ઝડપાઈ ૪૫ લાખની વીજચોરી
જામનગર તા. ૧૧: જામનગરના નવાગામ ઘેડથી કાલાવડ નાકા સુધીના વિસ્તાર ઉપરાંત જામજોધપુર અને ખંભાળિયા, ભાટીયા શહેરમાં ગઈકાલે કરવામાં આવેલા વીજ ચેકીંગમાં રૂ. ૪૫.૨૪ લાખની વીજચોરી ઝડપાઈ ગઈ છે.
જામનગરની સ્થાનિક પીજીવીસીએલ કચેરી દ્વારા વીજચોરી પકડવા માટે શરૂ કરવામાં આવેલા ચેકીંગમાં ગઈકાલે ૪૩ ટૂકડીએ જામનગર શહેર ઉપરાંત જામજોધપુર અને દેવભૂમિ દ્વારકા જિલ્લાના ખંભાળિયા તથા ભાટીયા શહેરમાં ચેકીંગ કર્યું હતું.
આ ટૂકડીઓએ જામનગર શહેરના પંચેશ્વર ટાવર, નવાગામ ઘેડ, સ્વામીનારાયણ નગર, વાંઝાવાસ, ખોજાનાકા, કાલાવડ નાકા, પટ્ટણીવાડ, નિલકમલ સોસાયટી, વામ્બે આવાસ, ધરારનગર સહિતના વિસ્તારો ઉપરાંત જામજોધપુર શહેર અને ખંભાળિયા, ભાટીયા શહેરમાં ચેકીંગ અંતર્ગત ૫૭૯ વીજજોડાણ ચકાસ્યા હતા. તેમાંથી ૮૮ વીજજોડાણમાં ગેરરીતિ જોવા મળતા તેના ધારકોને રૂ. ૪૫ લાખ ૨૪ હજારના પુરવણી બીલ આપ્યા હતા. સુરક્ષા માટે સ્થાનિક પોલીસના આઠ જવાન, સોળ એક્સ આર્મીમેન, ચૌદ એસઆરપીમેન સાથે રાખવામાં આવ્યા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
