Author: નોબત સમાચાર
ઠેબા બાયપાસ પાસે ટ્રકના ચોરખાનામાંથી ઈંગ્લીશ દારૂની ૩૦૫ બોટલ ઝડપાઈઃ બે શખ્સની અટકાયત
ઈંગ્લીશ દારૂ, ટ્રક, બે મોબાઈલ સહિત રૂ. ૧૬ લાખ ૩ર હજારનો મુદ્દામાલ કબજેઃ
જામનગર તા. ૬: જામનગર નજીકના ઠેબા બાયપાસ પાસે ટ્રકમાં દારૂની હેરાફેરી થતી હોવાની બાતમી પરથી ગઈરાત્રે એલસીબીએ વોચ ગોઠવી દારૂની ૩૦૫ બોટલ કબજે કરી છે. તે ટ્રકમાં બનાવવામાં આવેલા ચોરખાના માંથી જથ્થો સાંપડ્યો છે. રાજસ્થાનના બે શખ્સની અટકાયત કરાઈ છે અને રૂ. ૧૬ લાખ ૩ર હજારનો મુદ્દામાલ કબજે થયો છે.
જામનગર-કાલાવડ માર્ગ પર આવેલા ઠેબા બાયપાસ નજીક એક ટ્રકમાં અંગ્રેજી શરાબની હેરાફેરી થઈ રહી હોવાની બાતમી એલસીબીના અરજણભાઈ, મયુદ્દીન સૈયદ, ક્રિપાલસિંહ, ધર્મેન્દ્રસિંહને મળતા પીઆઈ વી.એમ. લગારીયાને વાકેફ કરાયા પછી ગઈરાત્રે એલસીબીનો કાફલો પીએસઆઈ પી.એન. મોરીના વડપણ હેઠળ વોચમાં ગોઠવાયો હતો.
તે દરમિયાન ખીજડિયા બાયપાસથી લાલપુર બાયપાસ વચ્ચે ઠેબા બાયપાસ નજીકથી આરજે-૧૯-જીએચ ૯૭૪૪ નંબરનો ટ્રક પસાર થયો હતો. તે ટ્રકને રોકાવી એલસીબી સ્ટાફે તલાશી લેતા કંઈ મળ્યું ન હતું. તેમ છતાં તલાશી યથાવત રખાતા તે ટ્રકની ડીઝલ ટેન્કની બીજી તરફ અત્યંત ગુપ્ત રીતે બનાવીને રાખવામાં આવેલુ ચોરખાનુ મળી આવ્યું હતું. તે ખાનુ ખોલાવી એલસીબી સ્ટાફે ચેક કરતા તેમાંથી ભારતીય બનાવટના અંગ્રેજી શરાબની ૩૦૫ બોટલ મળી આવી હતી.
ઉપરોક્ત ટ્રકમાં જઈ રહેલા ડ્રાઈવર રાજસ્થાન રાજ્યના બાડમેર જિલ્લાના ભાલીખાલ ગામના જોગારામ મોતીરામ બારોટ તથા મુધોકીધની ગામના રેવતારામ ભૂમારામ બારોટ નામના બે શખ્સ મળી આવ્યા હતા. અંદાજે રૂ. ૧ લાખ ૨૨ હજારની કિંમતનો દારૂનો જથ્થો, બે મોબાઈલ, રૂ. ૧૫ લાખનો ટ્રક એલસીબીએ કબજે કર્યાે છે.
બંને શખ્સ સામે પંચકોશી બી ડિવિઝન પોલીસ સ્ટેશનમાં એલસીબીના કે.આર. પરમારે ખુદ ફરિયાદી બની ગુન્હો રજીસ્ટર કરાવ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
