Author: નોબત સમાચાર
ગુલાબનગર તથા ખીજડિયા બાયપાસ પાસે ફૂલસ્પીડમાં રિક્ષા ચલાવતા બે ઝબ્બે
ધુંવાવમાંથી છરી સાથે બે શખ્સની કરાઈ અટકાયતઃ
જામનગર તા. ૬: જામનગરના ગુલાબનગર નજીકથી પુરપાટ ઝડપે રિક્ષા ચલાવી પસાર થતાં મોટી લાખાણી ગામના શખ્સ સામે ગુન્હો નોંધાયો હતો. જ્યારે ખીજડિયા બાયપાસ પાસેથી ફૂલસ્પીડે રિક્ષા ચલાવતો એક શખ્સ ઝડપાયો છે. લાલપુરમાંથી અન્યની જિંદગી જોખમાય તેમ ઈકો ચલાવતા શખ્સની અટકાયત કરવામાં આવી છે. ધુંવાવમાંથી બે શખ્સ છરી સાથે ઝડપાયા છે.
જામનગરના ગુલાબનગર વિસ્તારમાં આવેલા સીએનજી પંપ પાસેથી ગઈકાલે બપોરે મોટી લાખાણી ગામનો લાખાભાઈ વેજાભાઈ ઝાપડા નામનો શખ્સ જીજે-૧૦-ટી ડબલ્યુ ૫૭૬૯ નંબરની રિક્ષા પુરઝડપે ચલાવીને નીકળતા પેટ્રોલિંગમાં રહેલા પોલીસ કાફલાએ તેની સામે ગુન્હો નોંધ્યો છે.
જામનગર નજીકના ખીજડિયા બાયપાય નજીકથી જીજે-૧૦-ટીઝેડ ૨૬૮૫ નંબરની રિક્ષા ફૂલસ્પીડમાં ચલાવીને જઈ રહેલા ઢીંચડા ગામના હુસેની ચોકવાળા શકીલ મામદ સાંઢ સામે પણ ગુન્હો નોંધાયો છે.
લાલપુર શહેરની પ્રગટેશ્વર સોસાયટીમાં રહેતો વીરાભાઈ કમાભાઈ જોગસવા નામનો શખ્સ ગઈકાલે સાંજે જીજે-૩ કેએચ ૯૨૧૭ નંબરની ઈકો મોટર ફૂલસ્પીડમાં ચલાવીને જતો હતો ત્યારે પોલીસે તેને પકડી પાડ્યો હતો.
જામનગર નજીકના ધુંવાવ હાઉસીંગ બોર્ડમાંથી ગઈકાલે સાંજે પંચકોશી એ ડિવિઝનના સ્ટાફે અલ્તાફ ફકીરમામદ શેખ અને શબ્બીર અબ્બાસ રફાઈ નામના બે શખ્સને બે છરી સાથે પકડી પાડ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
