Author: નોબત સમાચાર
ગાગવા પાસે બાઈકને ટક્કર મારી મોટર પલાયનઃ કાકા-ભત્રીજાને ઈજા
દીપક ટોકિઝ પાસે રિક્ષા સાથે બાઈક ટકરાયું:
જામનગર તા. ૬: જામનગરના ગાગવા ગામ પાસે ગઈકાલે રાત્રે એક અજાણી મોટરે સામેથી આવતા બાઈકને ટક્કર મારતા બાઈક પર જઈ રહેલા કાકા તથા ભત્રીજાને ઈજા થઈ છે. ત્રણેક દિવસ પહેલાં દીપક ટોકિઝ પાસે રિક્ષા સાથે બાઈક ટકરાઈ પડતા રિક્ષામાં બેસેલા બાળકનો પગ ભાંગી ગયો છે.
જામનગર-ખંભાળિયા માર્ગ પર નાઘેડી ગામમાં રહેતા જગદીશભાઈ મોહનભાઈ જગતીયા નામના વાળંદ યુવાન અને તેમના ભત્રીજા ગઈકાલે રાત્રે આઠેક વાગ્યે ગાગવા ગામના પાટીયા પાસેથી જીજે-૧૦-બીએન ૯૨૨૪ નંબરના મોટરસાયકલમાં જતા હતા.
આ વેળાએ ગાગવા ગામ તરફથી એક મોટર પુરપાટ ઝડપે ધસી આવી હતી. તેના ચાલકે કાકા-ભત્રીજાના બાઈકને ઠોકર મારી દેતા બંને વ્યક્તિ ફેંકાઈ ગયા હતા. ઈજા પામેલા જગદીશભાઈ તથા મિલનને સારવારમાં ખસેડવામાં આવ્યા છે. જ્યાંંથી મોડીરાત્રે જગદીશભાઈએ મેઘપર પોલીસ સ્ટેશનમાં ફરિયાદ નોંધાવી છે.
જામનગરના કાલાવડ નાકા નજીક વ્હોરાવાડમાં ચોપડા ફળીમાં રહેતા વાઈઝભાઈ અલીભાઈ ચાવડા નામના રિક્ષા ચાલક ગયા સોમવારે બપોરે ગ્રેઈન માર્કેટ તરફ જવાના રસ્તા પર પોતાની જીજે-૧-ટીએફ ૬૨૧૯ નંબરની રિક્ષા વાળતા હતા ત્યારે જીજે-૧૦-બીએન ૩૨૩૧ નંબરના બાઈક પર ધસી આવેલા નિલેશ જયન્દ્રભાઈ નામના ચાલકે અકસ્માત સર્જયો હતો. આ અકસ્માતમાં વાઈઝભાઈની રિક્ષામાં બેસેલા તેમના પુત્ર નવાબને પગમાં ફ્રેક્ચર થઈ ગયું હતું. અકસ્માત સર્જી નાસી ગયેલા બાઈકચાલક સામે પોલીસમાં ફરિયાદ કરાઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
