Author: નોબત સમાચાર
જોડિયાના તારાણા ટોલનાકા પાસે મોટરમાંથી ઈંગ્લીશ દારૂની ૨૬ બોટલ સાથે ત્રણ ઝડપાયા
મેથાણમાં મકાનમાંથી ૯ર ચપલા કબજેઃ
જામનગર તા. ૪: જોડિયાના તારાણા ગામ પાસે આવેલા ટોલનાકા નજીકથી એલસીબીએ એક ઈકો મોટરમાં લઈ જવાતી ઈંગ્લીશ દારૂની ર૬ બોટલ પકડી પાડી છે. મોરબીના બે શખ્સ અને કાયદાથી સંઘર્ષિત કિશોર સહિત ત્રણ ઝડપાયા છે. તેઓએ સપ્લાયરનું નામ આપ્યું છે. જામજોધપુરના મેથાણ ગામમાં એક મકાનમાંથી ઈંગ્લીશ દારૂના ૯ર ચપલા મળી આવ્યા છે.
જોડિયા તાલુકાના તારાણા ગામ નજીક એક મોટરમાં ઈંગ્લીશ દારૂની હેરાફેરી થતી હોવાની બાતમી એલસીબીના અજય વિરડા, ભયપાલસિંહને મળતા પીઆઈ વી.એમ. લગારીયાની સૂચનાથી એલસીબી સ્ટાફે તારાણા નજીક આવેલા ટોલનાકા પર વોચ ગોઠવી હતી.
ત્યાંથી પસાર થયેલી એક ઈકો મોટરને રોકી તેની તલાશી લેવાતા એલસીબીને તે મોટરમાંથી ઈંગ્લીશ દારૂની ર૬ બોટલ મળી આવી હતી. દારૂના આ જથ્થા સાથે મોરબીના એજાઝ સલીમ ભટ્ટી, અક્ષય રાજુભાઈ પંડયા નામના બે શખ્સ અને કાયદાથી સંઘર્ષિત એક કિશોરની અટકાયત કરવામાં આવી છે. દારૂ, ત્રણ મોબાઈલ તથા મોટર મળી રૂ.ર,૭૯,૬૯૦નો મુદ્દામાલ કબજે કરવામાં આવ્યો છે. આ શખ્સોએ દારૂનો તે જથ્થો મોરબીના વિરૂ નામના શખ્સે આપ્યો હોવાની કબૂલાત કરી છે. તેની શોધખોળ શરૂ કરવામાં આવી છે.
જામજોધપુર તાલુકાના મેથાણ ગામમાં એક શખ્સના મકાનમાં ગઈકાલે શેઠવડાળા પોલીસ સ્ટેશનના સ્ટાફે લલીત ગીરધરભાઈ બાબરીયા નામના શખ્સના સોસાયટી વિસ્તારમાં આવેલા મકાનમાં દરોડો પાડી તલાશી લેતા ત્યાંથી ઈંગ્લીશ દારૂના ૯ર ચપલા મળી આવ્યા હતા. ઝડપાયેલા લલીતે રાજકોટના અનિલ ભાસ્કર નામના શખ્સનંુ નામ આપ્યું છે. પોલીસે દારૂ, એક મોબાઈલ કબજે કર્યાે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
