Author: નોબત સમાચાર
નકલી પોલીસ-પત્રકાર બની તોડ કરવા આવેલી ત્રિપૂટીની પૂછપરછ
રવિવારે બે સ્થળે તોડ માટે પહોંચ્યા હતાઃ
જામનગર તા. ૪: જામનગરના એક યુવાનને નકલી પોલીસ તથા પત્રકાર બનીને આવેલી ત્રિપૂટીએ રૂ.૨૦ હજારનો તોડ કરી લીધા પછી થયેલી ફરિયાદમાં પોલીસે ત્રણેય શખ્સને દબોચી લઈ કડક હાથે કામગીરી શરૂ કરી છે. આ બનાવે કહેવાતા પત્રકારોના ટાંટીયા ધ્રુજાવ્યા છે.
જામનગરના જૂના રેલવે સ્ટેશન નજીક આવેલા વેલનગરની શેરી નં.૧માં રવિવારે હર્ષ જીજ્ઞેશભાઈ રાઠોડ નામના યુવાન પાસે જઈ પોલીસ અધિકારી તરીકે ઓળખ આપી બે શખ્સે તથા પત્રકાર તરીકે ઓળખ આપી એક શખ્સે રૂ.૨૦ હજાર પડાવી લીધાની પોલીસમાં ફરિયાદ થયા પછી પોલીસે તાત્કાલિક હરકતમાં આવી ત્રણેય 'નાટકીયા'ને દબોચી લીધા છે.
આ શખ્સોએ હર્ષ અને તેના પિતા દેશી દારૂનો ધંધો કરે છે તેમ કહી મોટો કેસ કરવો પડશે તેવી દાટી મારી રૂ.૨૦ હજાર પડાવ્યા પછી બીજી દુકાને જઈ તોડનો પ્રયાસ કર્યાે હતો. તે દરમિયાન અસલી પોલીસને તેની જાણ કરાતા મામલો પોલીસ મથકે પહોંચી ગયો હતો.
સિટી બી ડિવિઝનના પીઆઈ પી.પી. ઝાની સુચનાથી સ્ટાફે શરૂ કરેલી તપાસમાં રાજકોટના આકાશ પ્રફુલ ધ્રાંગડ, સુરેશ રણમલ કારાણી અને ટીઆરબીમાં ફરજ બજાવતા વિજય બુધા મકવાણા નામના ત્રણ શખ્સને દબોચી લીધા છે. આ શખસોની રિમાન્ડ માટે તજવીજ કરાઈ રહી છે. નકલી પત્રકાર તથા પોલીસ બની સમાજમાં સીન જમાવતા અને તક મળ્યે તોડતાડ કરતા આવા કેટલાક પત્રકારોને ઉપરોક્ત બનાવથી બોધપાઠ મળ્યો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
