Author: નોબત સમાચાર
પુત્રને લઈ જવાની બાબતે બોલેરો સસરાના ઘરના દરવાજા સાથે ટકરાવી જમાઈની ધમાલ
છરી બતાવી સસરાને મારી નાખવાની ધમકી આપીઃ
જામનગર તા. ૪: જોડિયાના પીઠડ ગામમાં સસરાના ઘેર રિસામણે આવેલા પત્ની પાસેથી પુત્ર લઈ જવાની બાબતે ઉશ્કેરાયેલા ગજડી ગામના શખ્સે બોલેરો સસરાના ઘરના દરવાજા સાથે ટકરાવી સસરાને છરી બતાવી જાનથી મારી નાખવાની ધમકી આપ્યાની પોલીસમાં ફરિયાદ કરાઈ છે.
જોડિયા તાલુકાના પીઠડ ગામમાં રહેતા આયદાનભાઈ જીવાભાઈ ગોગરા નામના સાંઈઠ વર્ષના વૃદ્ધે પોતાના જમાઈ અને મોરબી જિલ્લાના ટંકારા તાલુકાના ગજડી ગામમાં રહેતા નાગજીભાઈ માણંદભાઈ જારીયા સામે પોલીસમાં ફરિયાદ નોંધાઈ છે.
ફરિયાદમાં જણાવવામાં આવ્યા મુજબ આયદાનના પુત્રીના લગ્ન થોડા વર્ષ પહેલાં નાગજીભાઈ સાથે થયા પછી એકાદ મહિનાથી તે યુવતી પોતાના સાતેક વર્ષના પુત્ર સાથે પિતાના ઘેર રિસામણે આવી હતી. આ બાબતનો ખાર રાખી સોમવારે સાંજે સાડા સાતેક વાગ્યે જીજે-૩-બીવાય ૭૩૮૪ નંબરની બોલેરો સાથે જમાઈ નાગજીભાઈ ધસી આવ્યો હતો.
આ શખ્સે પોતાની બોલેરો સસરા આયદાનભાઈના ઘરના દરવાજા સાથે અથડાવી પોતાના પુત્રને લઈ જવા બાબતે બોલાચાલી કર્યા પછી છરી બતાવી ગાળો ભાંડી સસરાને જાનથી મારી નાખવાની ધમકી આપી હતી. પોલીસે આરોપીની શોધ હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
