Author: નોબત સમાચાર
પંજાબથી દ્વારકા લઈ જવાતો ઈંગ્લીશ દારૂનો ગંજાવર જથ્થો માળીયા પાસેથી ઝડપાયો
૧.૧૫ કરોડનો મુદ્દામાલઃ બેની ધરપકડ કરાઈઃ
જામનગર તા. ૪: મોરબીના માળીયા મીયાણા પાસેથી રવિવારની રાત્રે ગાંધીનગરથી ત્રાટકેલી સ્ટેટ મોનીટરીંગ સેલની ટીમે એક ટ્રકમાં લઈ જવાતી ઈંગ્લીશ દારૂની ૭૨૧૩ બોટલ કબજે કરી ટ્રકના ડ્રાઈવર-ક્લીનરની અટકાયત કરી છે. આ શખ્સોએ પંજાબથી દારૂ ભર્યાની અને દ્વારકા જિલ્લામાં લઈ જતા હોવાની કબૂલાત આપી બે શખ્સના નામ ઓકી નાખ્યા છે.
મોરબી નજીકના માળીયા મીયાણા રોડ પર એક ટ્રકમાં ઈંગ્લીશ દારૂનો ગંજાવર જથ્થો લઈ જવામાં આવી રહ્યો હોવાની બાતમી મળતા ગાંધીનગરથી સ્ટેટ મોનીટરીંગ સેલની ટીમ રવિવારની રાત્રે વોચમાં ગોઠવાઈ ગઈ હતી.
તે દરમિયાન માળીયાથી જામનગર તરફના ધોરીમાર્ગ પર રેલવે ક્રોસીંગ નજીકથી આ ટ્રક પસાર થતાં રોડ પર પ્રગટેલી એસએમસીની ટૂકડીએ તે ટ્રકને આંતરી તેની તલાશી લેતા તેમાં ભુસ્સો ભરેલો જોવા મળ્યો હતો. બાતમી પાકી હોવાના કારણે એસએમસી ટીમે ભુસ્સાની ૨૦૦ જેટલી બોરી આઘી પાછી કરીને જોતા તેની પાછળથી ભારતીય બનાવટના અંગ્રેજી શરાબની ૭૨૧૩ બોટલ ભરેલી ૬૦૧થી વધુ પેટી મળી આવી હતી.
ચોંકી ઉઠેલી એસએમસી ટીમે અંદાજે રૂ.૯ર,૬૯,૧૦૦ની કિંમતનો દારૂનો જથ્થો, રૂ.ર લાખ ૯ર હજારની કિંમતની ભુસ્સાની ૨૦૦ બોરી તેમજ જીજે-૧૦-ટીટી ૯૧૮પ નંબરનો ટ્રક, એક મોબાઈલ તથા રૂ.૪૪૫૦ રોકડા કબજે કરી આ ટ્રકના ડ્રાઈવર ભાવેશ મોરી તથા ક્લિનર લીલા મોરીની પૂછપરછ કરાઈ હતી. જેમાં આ શખ્સોએ પંજાબથી દારૂનો જથ્થો ભર્યાની અને દ્વારકા લઈ જતા હોવાની વિગતો ઓકી નાખી છે. આ શખ્સોએ અરજણ આલા કોડીયાતર તથા ભરત સોમા કોડીયાતરના નામ આપ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
