Author: નોબત સમાચાર
નવા ત્રણ ફોજદારી કાયદાની સમજ આપવા માટે પોલીસ દ્વારા યોજવામાં આવી સ્પર્ધાઓ
ત્રણ સ્પર્ધાના વિજેતાઓને અપાશે ઈનામઃ
જામનગર તા. ૪: જામનગર જિલ્લા પોલીસ દ્વારા કેન્દ્ર સરકાર દ્વારા લાગુ કરવામાં આવેલા ત્રણ નવા ફોજદારી કાયદા અંગે જનસામાન્યને માહિતી મળી શકે તે હેતુથી ૧૫ દિવસ માટે ચિત્ર તેમજ ઓડિયો-વીડિયો સ્પર્ધા રાખવામાં આવી છે. જેમાં પ્રથમ, દ્વિતીય અને તૃતીય ક્રમને ઈનામથી નવાજવામાં આવશે.
કેન્દ્ર સરકાર દ્વારા તાજેતરમાં અમલમાં મુકવામાં આવેલા ભારતીય ન્યાયસંહિતા, ભારતીય નાગરિક સુરક્ષા સંહિતા તથા ભારતીય સાક્ષ્ય અધિનિયમ નામના ત્રણ નવા ફોજદારી કાયદાની નાગરિકોને સમજ મળે અને નાગરિકોની સર્જનાત્મકતાને પ્રોત્સાહન મળે તે માટે આગામી તા.૧પ જુન સુધી જામનગર જિલ્લા પોલીસ દ્વારા ચિત્ર તેમજ ઓડિયો અને વીડિયો સ્પર્ધા યોજવામાં આવી છે.
આઈજીપી કોન્ફરન્સમાં નવા કાયદાઓ અંગે જનસામાન્યમાં જાગૃતિ લાવવા માટે કરવામાં આવેલી સૂચનાના પગલે જામનગર પોલીસ દ્વારા એસપી પ્રેમસુખ ડેલુના માર્ગદર્શન હેઠળ આ સ્પર્ધા રાખવામાં આવી છે.
ચિત્ર સ્પર્ધામાં નવા ફોજદારી કાયદાને દર્શાવતા મહત્વના ચિત્રો રજૂ કરવાના રહેશે. જ્યારે ઓડિયો સ્પર્ધામાં ગીત, સંવાદ અથવા સંદેશની ઓડિયો ક્લિપ્સ રજૂ થઈ શકશે. તે ઉપરાંત નવા કાયદાના ફાયદા અને મહત્વ દર્શાવતા ટૂંકા વીડિયો તેની સ્પર્ધામાં રજૂ થશે.
ઉપરોક્ત સ્પર્ધા માટે રજીસ્ટ્રેશન ફી રાખવામાં આવી નથી. વધુ વિગત માટે ૯૯૫૫૦ ૩૬૨૧૧ અથવા ૯૦૬૭૧ ૪૧૮૨૯નો સંપર્ક કરી શકાશે. ચિત્ર સ્પર્ધામાં રૂ.૫ હજાર તેમજ રૂ.૩ હજાર અને રૂ.ર હજારના ઈનામ આપવામાં આવ્યા છે. જ્યારે ઓડિયો સ્પર્ધામાં રૂ.૧૫ હજાર, ૧૦ હજાર અને રૂ.પ હજારની રકમ ઈનામ પેટે પ્રાપ્ત થઈ શકશે. તે ઉપરાંત વીડિયો સ્પર્ધામાં વિજેતાને રૂ.૨૦ હજાર અથવા રૂ.૧૫ હજાર અથવા રૂ.૧૦ હજારનો પુરસ્કાર એનાયત કરવામાં આવશે. સ્પર્ધકોએ પોતાની એન્ટ્રી ઈ-મેઈલ આઈડી પર મોકલવી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
