Author: નોબત સમાચાર
જામનગરની ડેન્ટલ કોલેજના ચાર વિદ્યાર્થીઓ સહિત ગઈકાલે કોરોનાના નવા ૬ કેસ નોંધાયા
શહેરના ર૧ એક્ટિવ કેસઃ તમામ આઈસોલેશનમાં
જામનગર તા. ૪: જામનગર શહેરમાં કોરોનાના ગઈકાલે નવા ૬ પોઝિટિવ કેસ નોંધાયા છે. ડેન્ટલ કોલેજના ચાર તબીબી વિદ્યાર્થીઓ પણ કોરોનાની ઝ૫ેટમાં આવી ગયા છે.
જામનગર શહેરમાં છેલ્લા અનેક દિવસથી દરરોજ કોરોનાના નવા નવા કેસ નોંધાઈ રહ્યા છે. ગઈકાલે શહેરમાં કુલ ૬ નવા કેસ નોંધાયા હતાં, જેમાં ડેન્ટલ કોલેજની હોસ્ટેલમાં રહેતા ચાર તબીબી વિદ્યાર્થીનો પણ સમાવેશ થાય છે. આ તમામને હોમ આઈસોલેશનમાં રાખવામાં આવ્યા છે અને તેમને ઘરે જ સારવાર આપવામાં આવી રહી છે, જ્યારે ગ્રામ્ય વિસ્તારમાં ગઈકાલે નવો કોઈ કેસ નોંધાયો ન હતો.
જામનગરમાં કોરોના સંક્રમણ ધીમા પગલે સતત વધી રહ્યું છે. જામનગરના શહેરી વિસ્તારમાં ગઈકાલે જે છ કેસ નોંધાયા છે તેમાં ડેન્ટલ કોલેજમાં અભ્યાસ કરતા અને ત્યાંની જ હોસ્ટેલમાં રહેતા ચાર તબીબી વિદ્યાર્થીઓ જેમાં બે યુવક અને બે યુવતીનો સમાવેશ થાય છે.
આ ઉપરાંત દિગ્વિજય પ્લોટ વિસ્તારના એક મહિલા અને ગ્રીન સિટી વિસ્તારના એક મહિલા પણ કોરોનાગ્રસ્ત બન્યા છે. આ તમામને હોમ આઈસોલેશનમાં રાખવામાં આવ્યા છે અને ઘરે જ સારવાર આપવામાં આવી રહી છે.
જામનગરની સરકાર જી.જી. હોસ્પિટલમાં એક પણ દર્દી સારવાર હેઠળ નથી. આજની સ્થિતિએ જામનગર શહેરમાં કુલ એકવીસ એક્ટિવ કેસ છે, જ્યારે જામનગર ગ્રામ્ય વિસ્તારમાં બે એક્ટિવ કેસ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
