Author: નોબત સમાચાર
જી.જી. હોસ્પિટલમાં ૧૬૮ દર્દીઓનું સ્ક્રીનીંગ કરી અપાયું માર્ગદર્શન
સ્વસ્થ ગુજરાત- મેદસ્વિતામૂકત ગુજરાત ઝુંબેશ હેઠળ
જામનગર તા. ૪: જામનગરની ગુરૂ ગોબિંદસિંગ હોસ્પિટલ દ્વારા મેદસ્વિતા મુકત અભિયાન હેઠળ દર્દીઓનું સ્ક્રીનિંગ કરાયું હતું, અને ૧૬૮ દર્દીઓના વજન, ઉંચાઈ અને બીએમઆઈની તપાસ કરી ઓવરવેઈટ દર્દીઓને પૌષ્ટિક આહાર અને નિયમિત વ્યાયામ વિશે વિસ્તૃત સમજણ આપવામાં આવી હતી.
પ્રધાનમંત્રી નરેન્દ્ર મોદીના 'ઓબેસિટી મુક્તિ' અભિયાન અને મુખ્યમંત્રી ભૂપેન્દ્ર પટેલના 'સ્વસ્થ ગુજરાત-મેદસ્વિતા મુક્ત ગુજરાત' ઝુંબેશના ભાગરૂપે, જામનગરની ગુરુ ગોબિંદસિંગ સરકારી હોસ્પિટલ પણ આ પહેલમાં સક્રિય રીતે જોડાઈ છે. આરોગ્ય મંત્રી ઋષિકેશભાઈ પટેલની સૂચના અને તબીબી અધિક્ષક ડો.તિવારીના માર્ગદર્શન હેઠળ, હોસ્પિટલના એન.સી.ડી. ક્લિનિકમાં દર્દીઓના વજન, ઊંચાઈ અને બોડી માસ ઇન્ડેક્સ (બીએમઆઈ)ની તપાસ કરીને તેમને મેદસ્વિતા સંબંધિત જોખમો વિશે માર્ગદર્શન આપવામાં આવી રહૃાું છે.
અત્યાર સુધીમાં કુલ ૧૬૮ દર્દીઓના વજન, ઊંચાઈ અને બીએમઆઈની તપાસ કરવામાં આવી છે. આ તપાસમાં કુલ દર્દીઓ પૈકી ૭૬ દર્દીઓનો બીએમઆઈ અંક ૨૫ થી વધારે આવેલ છે, જે તેમને ઓવરવેઇટની શ્રેણીમાં મૂકે છે. આવા દર્દીઓને પૌષ્ટિક આહાર અને નિયમિત વ્યાયામ વિશે વિસ્તૃત સમજણ આપવામાં આવી છે.જ્યારે ૨૯ દર્દીઓનો બીએમઆઈ અંક ૩૦ થી પણ વધારે આવેલ છે, જેમાં તેમને મેદસ્વી ગણાવી શકાય.
આ તમામ દર્દીઓને વજન નિયંત્રણ માટેની વિશેષ સલાહ આપવામાં આવી છે. હોસ્પિટલ દ્વારા મેદસ્વિતા સાથે સંકળાયેલા બિન-ચેપી રોગો જેવા કે હાઈપરટેન્શન, ડાયાબિટીસ, હ્ય્દયરોગ અને સ્ટ્રોક જેવા ગંભીર રોગોને અટકાવી શકાય તે અંગેનું વિસ્તૃત માર્ગદર્શન પણ આપવામાં આવ્યું છે.
આ પહેલનો મુખ્ય ઉદ્દેશ્ય લોકોને સ્વસ્થ જીવનશૈલી અપનાવવા અને મેદસ્વિતાના કારણે થતા રોગોથી બચાવવાનો છે. આરોગ્ય વિભાગ દ્વારા જામનગરના નાગરિકોને પોતાના સ્વાસ્થ્ય પ્રત્યે જાગૃત રહેવા અને નિયમિતપણે આરોગ્ય તપાસ કરાવવા અપીલ કરવામાં આવી છે, જેથી તંદુરસ્ત અને મેદસ્વિતા મુક્ત ગુજરાતના નિર્માણમાં સૌ સહભાગી બની શકે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
