Author: નોબત સમાચાર
દ્વારકામાં મકાનમાં નાલ ઉઘરાવી રમાડાતા જુગાર પર દરોડોઃ છ શખ્સ ઝડપાઈ ગયા
નગરમાંથી વર્લીબાજ ઝડપાયોઃ કપાત લેતા શખ્સનું નામ ખૂલ્યું:
જામનગર તા. ૪: દ્વારકાના નરસંગ ટેકરી વિસ્તારમાં એક મકાનમાં એલસીબીએ પૂર્વ બાતમીના આધારે દરોડો પાડતા ત્યાં નાલ ઉઘરાવી જુગાર રમાડતો શખ્સ તથા ગંજીપાના કૂટતા અન્ય પાંચ શખ્સ ઝડપાઈ ગયા છે. રોકડ, મોબાઈલ મળી રૂ.૮૨૭૦૦નો મુદ્દામાલ કબજે કરાયો છે. નગરમાંથી એક વર્લીબાજ પકડાયો છે.
દ્વારકા શહેરના નરસંગ ટેકરી વિસ્તારમાં આવેલા એક મકાનમાં ગઈકાલે સાંજે જુગારની મહેફિલ જામી હોવાની બાતમી પરથી દ્વારકા એલસીબીના સ્ટાફે ત્યાં આવેલા સલીમ ઈશાક મોખા નામના શખ્સના મકાનમાં દરોડો પાડી તલાશી લીધી હતી.
આ શખ્સ પોતાના મકાનમાં નાલ ઉઘરાવી જુગાર રમાડતો મળી આવ્યો હતો. તેને નાલ આપી તીનપત્તી રમતા અનવર કાદર બેતારા, આરીફ સુલેમાન ભીખલાણી, શરીફ ઈસ્માઈલ ખાન ઉર્ફે બંગાળી, ઈમરાન ઉમર મંસુરી, ગફાર ભીખનભાઈ તુરક નામના પાંચ શખ્સ મળી આવ્યા હતા. પોલીસે પટમાંથી રૂ.૪ર૨૦૦ રોકડા, પાંચ મોબાઈલ મળી કુલ રૂ.૮૨૭૦૦નો મુદ્દામાલ કબજે કર્યાે છે. તમામ છ સામે દ્વારકા પોલીસ મથકમાં જુગારધારાની કલમ ૪, ૫ હેઠળ ગુન્હો રજીસ્ટર કરાવાયો છે.
જામનગરના રણજીતસાગર રોડ પર મયુર ગ્રીન સોસાયટીના દરવાજા પાસે ગઈકાલે સાંજે જાહેરમાં ઉભા રહી વર્લીના આંકડા લખતા જયદીપ બિપીનભાઈ પ્રજાપતિ નામના શખ્સને પોલીસે પકડી લીધો છે. તેણે પોતાની પાસેથી કપાત લેતા બેડેશ્વરના મોહસીન બુખારીનું નામ આપ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
