Author: નોબત સમાચાર
બાંકોડીમાં અકસ્માતે કૂવામાં ખાબકી ગયેલા યુવાનનું સારવારમાં થયું મોત
ભંડારીયામાં ઓટલા પરથી પડી ગયેલા વૃદ્ધાનું મૃત્યુઃ
જામનગર તા. ૧૨: કલ્યાણપુરના બાંકોડી ગામના એક યુવાન અકસ્માતે કૂવામાં પડી ગયા પછી મોતની ગોદમાં સરી ગયા છે. જ્યારે ઘરના ઓટલા પરથી ફસકી પડેલા વૃદ્ધા પર કાળનો પંજો પડ્યો છે.
કલ્યાણપુર તાલુકાના બાંકોડી ગામના જેસાભાઈ જગાભાઈ ગોજીયા નામના ત્રીસ વર્ષના યુવાન પોતાના ખેતરમાં પાણીની મોટરની લાઈન બાંધવા માટે ગઈકાલે સવારે ખેતરમાં કામ કરતા હતા ત્યારે કોઈ રીતે તેમનો પગ લપસી જતાં જેસાભાઈ નજીકમાં આવેલા કૂવામાં ખાબકી ગયા હતા. આ યુવાનને બહાર કાઢી સારવાર માટે દવાખાને લઈ જવાયા હતા. જ્યાં તેઓનું સારવાર દરમિયાન મૃત્યુ નિપજ્યું છે.
ખંભાળિયા તાલુકાના ભંડારીયા ગામમાં રહેતા મટુબેન દેવાણંદભાઈ ભાટીયા (ઉ.વ.૮૬) નામના વૃદ્ધા ગઈકાલે સાંજે પોતાના ઘરના ઓટલા પરથી લપસી જતાં માથામાં ગંભીર ઈજા થવાથી સારવાર દરમિયાન મૃત્યુ પામ્યા છે. ઘેલુભાઈ અરજણભાઈએ પોલીસને જાણ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
