Author: નોબત સમાચાર
મૂળ ધ્રાફા ગામના ડો. ભૂપેન્દ્રસિંહ જાડેજાને અમેરિકાની યુનિ. દ્વારા ડોકટરની ડીગ્રી એનાયત
જામનગર તા. ૧રઃ જામનગર જિલ્લાના જામજોધપુર તાલુકાના ધ્રાફા ગામના મૂળ વતની ડો. ભૂપેન્દ્રસિંહ એ. જાડેજાને તાજેતરમાં યુનિવર્સિટી ઓફ સેન્ટ્રલ અમેરિકા, બોલીવીયા દ્વારા વનસ્પતિ શાસ્ત્રમાં તેમના વિશિષ્ટ અને ઉત્તમ યોગદાન માટે ડોકટર ઓફ સાયન્સ (ડીએસસી)ની પ્રતિષ્ઠિત પદવી એનાયત કરી તેમનું સન્માન કરવામાં આવ્યું હતું. તેઓ પોરબંદરની મહર્ષિ દયાનંદ સાયન્સ કોલેજમાં બોટની વિભાગના વડા તરીકે ફરજ બજાવી રહ્યા છે.
ડો. ભૂપેન્દ્રસિંહ જાડેજા ઘણાં વર્ષોથી બોટની ક્ષેત્રે ઉત્કૃષ્ટ સંશોધન કાર્ય કરી રહ્યા છે. તેઓ ર૦૦ થી વધુ સંશોધન પત્રો અને ૩૦ થી વધારે પુસ્તકો પ્રકાશિત કરી ચૂક્યા છે. આ ઉપરાંત તેમની પાસે પ પેટન્ટસ પણ ઉપલબદ્ધ છે. તેઓના માર્ગદર્શન હેઠળ ર૦ વિદ્યાર્થીઓ પીએચડીની ડિગ્રી મેળવી ચૂક્યા છે અને ૩ વિદ્યાર્થીઓ કાર્યરત છે. એમની સંશોધીય છોડના અભ્યાસ, ફાયટોકેમિસ્ટ્રી અને પર્યાવરણીય સંશોધનનો સમાવેશ થાય છે. ડો. જાડેજા આ ડિગ્રી મેળવનાર પોરબંદરના સૌપ્રથમ અને વનસ્પતિશાસ્ત્ર વિષયમાં આ ડિગ્રી મેળવનાર ગુજરાતના પ્રથમ પ્રોફેસર છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
