Author: નોબત સમાચાર
યુ.પી.-મધ્યપ્રદેશ-રાજસ્થાનમાં ભારેથી અતિભારે વરસાદનું રેડ એલર્ટ
દિલ્હીમાં ગઈ રાતથી વરસાદ શરૂ થયો છેઃ
નવી દિલ્હી તા. ૧રઃ ઉત્તરપ્રદેશ અને દિલ્હીમાં મેઘરાજાની જમાવટ થઈ છે. અનેક રાજ્યોમાં ભારે વરસાદનું એલર્ટ જાહેર કરાયું છે.
દિલ્હી-યુપી સહિત ઉત્તર ભારતના ઘણાં રાજ્યોમાં ભારે વરસાદ પડી રહ્યો છે. યુપીમાં જોરદાર વરસાદ જોવા મળી રહ્યો છે. દિલ્હી-એનસીઆરમાં રાત્રે શરૂ થયેલો વરસાદ રોકાઈ રહ્યો નથી. ભારે વરસાદને કારણે દિલ્હીના ઘણાં વિસ્તારોમાં પાણી ભરાઈ ગયા છે જેના કારણે લોકોને બહાર નીકળવામાં મુશ્કેલીનો સામનો કરવો પડી રહ્યો છે.
ઉત્તરપ્રદેશમાં આગામી ૪૮ કલાકમાં વરસાદ માટે રેડ એલર્ટ રહેશે. મથુરા, આગ્રા, ફરૂખાબાદ, બિજનૌર, મુરાબાદ, રામપુર, બરેલી, સહારનપુરમાં ભારેથી અતિ ભારે વરસાદ પડશે. બાકીના જિલ્લાઓમાં ઓરેન્જ એલર્ટ છે. સરકારે એનડીઆરએફ-એસડીઆરએફને સ્ટેન્ડબાય મોડમાં રાખ્યા છે. હવામાન વિભાગે મધ્યપ્રદેશના ૮ જિલ્લા ગુના, અશોકનગર, વિદિશા, રાયસેન, નર્મદાપુરમ, સિહોર, ભોપાલમાં ભારેથી અતિભારે વરસાદનું રેડ એલર્ટ આપ્યું છે. રાજ્યમાં આગામી ર૪ કલાક સુધી વાદળો છવાયેલા રહેશે. રાજસ્થાનમાં પણ આજે રેડ એલર્ટ રહેશે.
હવામાન વિભાગે દિલ્હી-એનસીઆર માટે યલો એલર્ટ જાહેર કર્યું છે તેમજ યુપીમાં સરકારે શાળાઓ બંધ કરવાનો આદેશ જારી કર્યો છે. યુપીની સાથે બિહાર, રાજસ્થાન, મધ્યપ્રદેશ અને મહારાષ્ટ્ર સહિત અનેક રાજ્યોમાં ભારે વરસાદનું એલર્ટ જારી કરવામાં આવ્યું છે. હવામાન વિભાગના જણાવ્યા અનુસાર આજે ઉત્તરાખંડ અને પશ્ચિમ ઉત્તરપ્રદેશમાં ભારેથી અતિભારે વરસાદની ચેતવણી આપવામાં આવી છે. પશ્ચિમ મધ્યપ્રદેશ, પૂર્વ રાજસ્થાન, ગોવા, પશ્ચિમ બંગાળ, આસામ, મેઘાલય, મિઝોરમ, ત્રિપુરામાં ભારે વરસાદની સંભાવના છે. હિમાચલ પ્રદેશ, હરિયાણા, ચંદીગઢ, પૂર્વ ઉત્તરપ્રદેશ, પૂર્વ મધ્યપ્રદેશ, પશ્ચિમ બંગાળ, સિક્કિમ, બિહાર, ઝારખંડ અને ઓડિશામાં પણ વરસાદની સંભાવના છે.
હવામાન વિભાગના જણાવ્યા અનુસાર દિલ્હીમાં આજે દિવસભર વરસાદ ચાલુ રહેશે. આખી રાત વરસાદ પડ્યો હતો અને આજે સવારે પણ વાદળછાયું વાતાવરણ રહ્યું હતું. આખી રાત વરસાદના કારણે આજે સવારે દિલ્હીના ઘણાં વિસ્તારોમાં પાણી ભરાઈ ગયા હતાં. રાજધાનીમાં ગઈકાલે મહત્તમ તાપમાન ૩ર.૬ ડીગ્રી નોંધાયું હતું. લઘુતમ તાપમાન ર૩ ડીગ્રી નોંધાયું હતું. આજે દિલ્હીનું મહત્તમ તાપમાન ૩૦ ડીગ્રી અને લઘુતમ તાપમાન ર૩ ડીગ્રી રહી શકે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
