Author: નોબત સમાચાર
તહેવારોને અનુલક્ષીને દરબારગઢ સર્કલમાં આગેવાનો સાથે એસપીની બેઠક
જામનગરની દરેક તહેવાર ઉજવવાની અનોખી તાસીરને એસપીએ વખાણી કોમી એખલાસ જળવાય રહે તે માટે કર્યાે અનુરોધઃ
જામનગરમાં હાલમાં ચાલી રહેલા ગણેશ ઉત્સવ તેમજ આગામી દિવસમાં આવી રહેલા આવી રહેલી ઈદ દરમિયાન શાંતિ તથા કાયદો-વ્યવસ્થાની પરિસ્થિતિ જળવાયેલી રહે તે હેતુથી ગઈકાલે એસપી પ્રેમસુખ ડેલુની અધ્યક્ષતામાં દરબારગઢ સર્કલમાં પોલીસ તથા હિન્દુ-મુસ્લિમ આગેવાનોની ઉપસ્થિતિમાં શાંતિ સમિતિની બેઠક રાખવામાં આવી હતી. એસપી ઉપરાંત સિટી ડીવાયએસપી જે.એન. ઝાલા, સિટી એના પીઆઈ એન.એ. ચાવડા, એલસીબી પીઆઈ વી.એમ. લગારીયા સહિતના અધિકારીઓ ઉપસ્થિત રહ્યા હતા. એસપીએ જામનગર શહેરની દરેક તહેવારને દિલ ભરીને ઉજવવાની તાસીરને વખાણવા ઉપરાંત બંને કોમ વચ્ચે જળવાઈ રહેતા એખલાસની પણ પ્રશંસા કરી હતી અને આગામી સમયમાં પણ કોઈ તણાવ ન સર્જાય તે માટે તકેદારી રાખવા અનુરોધ કર્યાે હતો. ત્યારપછી એસપી પ્રેમસુખ ડેલુ, ડીવાયએસપી ઝાલા સહિતના અધિકારીઓ ચાંદી બજાર સ્થિત ગણેશ પંડાલે દર્શન કરવા પહોંચ્યા હતા. જ્યાં આયોજકો સાથે તેઓએ વાતચીત કરી આયોજન વિશે માહિતી મેળવી હતી. એસપીના વડપણ હેઠળ ત્રણેય પોલીસ સ્ટેશનના સ્ટાફે શહેરના કેટલાક માર્ગાે પર ફૂટ પેટ્રોલિંગ પણ કર્યું હતું. દરબારગઢમાં કાર્યક્રમના અંતે મુસ્લિમ સમાજના આગેવાન જુમાભાઈ ખફી તથા કચ્છી ભાનુશાળી સમાજના પ્રમુખ મનિષભાઈ કટારીયા, મહાદેવ હર મિત્ર મંડળના રાજુભાઈ વ્યાસે એસપી, ડીવાયએસપીનું સન્માન કર્યું હતું.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
