Author: નોબત સમાચાર
રિક્ષામાં બેઠા પછી નગરના વૃદ્ધના ગળામાંથી સેરવાઈ દોઢ લાખની કંઠી
રિક્ષાચાલક તથા તેના સાગરિતો સામે કરાઈ ફરિયાદઃ
જામનગર તા. ૧૬: જામનગરના સમર્પણ સર્કલથી એક વૃદ્ધ શેરીંગ રિક્ષામાં બેઠા પછી રિક્ષાચાલકે પોતાના સાગરિતો સાથે મળી આ વૃદ્ધના ગળામાંથી રૂપિયા દોઢ લાખ ઉપરાંતની સોનાની કંઠી સેરવી લીધાની પોલીસમાં ફરિયાદ કરાઈ છે. પોલીસે ગુન્હો નોંધી બનાવની ખરાઈ કરવા તપાસ હાથ ધરી છે.
જામનગરના ગોકુલનગર વિસ્તારમાં રામનગરમાં રહેતા પોલાભાઈ કરશનભાઈ અસ્વાર નામના સિત્તેર વર્ષના વૃદ્ધ રવિવારે સાંજે સમર્પણ સર્કલ પાસે આવ્યા હતા. ત્યાંથી તેઓએ પોતાના ઘરે જવા માટે રિક્ષા રોકી હતી. તેથી અગાઉથી જ મુસાફર બેઠા હોય તેવી રિક્ષા રોકાઈ હતી.
આ રિક્ષામાં બેસી ગયા પછી માર્ગમાં રેલવે ફાટક નજીક રિક્ષાચાલકે પોતાની બાજુમાં બેસેલા મુસાફરને પાછળની સીટ ખાલી થઈ ગઈ છે ત્યાં જતાં રહો તેમ કહ્યા પછી આ મુસાફર પોલાભાઈની સીટની પાછળ આવીને બેઠો હતો. ત્યાં તેણે અગાઉથી બેસેલા પેસેન્જર સાથે મળી ધક્કામૂક્કી કરી પોલાભાઈના ગળામાંથી રૃા.૧,૬૦,૦૦૦ની કિંમતની ત્રણ તોલા વજનની સોનાની કંઠી સેરવી લીધી હતી.
ત્યારપછી પોતાના ઘર પાસે જ્યારે પોલાભાઈ ઉતર્યા ત્યારે તેઓને ગળામાંથી તુલસીના દાણાવાળી સોનાની કંઠી ન હોવાનું જણાઈ આવતા તેઓએ રિક્ષાચાલક તથા તેમાં સાથે બેસેલા મુસાફરો સામે સિટી-સી ડિવિઝન પોલીસ સ્ટેશનમાં આઈપીસી ૩૭૯, ૧૧૪ હેઠળ ફરિયાદ નોંધાવી છે. આ વૃદ્ધે સાડા ત્રણ વર્ષ પહેલાં જ તે કંઠી લીધી હતી. તેને ગળામાં કાપો મારી આ શખ્સોએ ચોરી લીધાનું પોલીસ ફરિયાદમાં જણાવવામાં આવ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
