Author: નોબત સમાચાર
દ્વારકાની એક હોટલમાં લીફ્ટ બગડી જતાં મહિલાઓ ફસાઈઃ માંડ નીકળી શકાયું
લીફ્ટ બગડતા ફાયરબ્રિગેડની લેવાઈ મદદઃ
જામનગર તા. ૧૬ઃ દ્વારકામાં આવેલી એક હોટલમાં રાજસ્થાનના પરિવારે ઉતારો લીધા પછી શનિવારે તે પરિવારની કેટલીક મહિલાઓ હોટલની બગડી ગયેલી લીફટમાં ફસાઈ ગઈ હતી. તે મહિલાઓને બેએક કલાક સુધી તેમાં રહેવું પડ્યંુ હતું અને આખરે ફાયરબ્રિગેડના જવાનોએ લીફ્ટમાંથી તે મહિલાઓને સુરક્ષિત બહાર કાઢી લીધી હતી.
દ્વારકામાં આવેલી એક જાણીતી હોટલમાં ગયા અઠવાડિયાએ રાજસ્થાનથી આવેલા કેટલાક યાત્રાળુઓએ ઉતારો મેળવ્યો હતો. તે પછી આ યાત્રાળુ પરિવારની કેટલીક મહિલાઓ શનિવારે હોટલની લીફ્ટમાં જઈ રહી હતી.
તે દરમિયાન યાંત્રિક ક્ષતિના કારણે લીફ્ટ અધવચ્ચે ઉભી રહી જતાં તેમાં રહેલી મહિલાઓ ગભરાઈ ગઈ હતી અને તેઓએ બૂમાબૂમ કરી હતી. આ મહિલાઓને બહાર કાઢવા માટે પ્રયાસો શરૃ કરાયા હતા અને ફાયરબ્રિગેડની પણ મદદ મેળવાઈ હતી.
આખરે બેએક કલાકની મથામણના અંતે લીફ્ટમાંથી તે મહિલાઓને સુરક્ષિત રીતે કાઢવામાં ફાયરબ્રિગેડને સફળતા પ્રાપ્ત થઈ હતી. દર્શનાર્થે આવેલા રાજસ્થાનના આ પરિવારે કડવી યાદો સાથે દ્વારકાની વિદાય લીધી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
