Author: નોબત સમાચાર
રાષ્ટ્રીય કક્ષાની સ્પર્ધા કોડેવર પ.૦ માં વિજયી થઈ આંતરરાષ્ટ્રીય સ્પર્ધામાં ભાગ લેશે
જામનગરની રોબોફન લેબના ઈનોવેટર્સનું ઉત્કૃષ્ટ પ્રદર્શનઃ
જામનગર તા. ૧૬ઃ તાજેતરમાં રાજધાની દિલ્હીના ગુરુગ્રામમાં યોજાયેલ રાષ્ટ્રીય કક્ષાની કોડેવર-પ.૦ સ્પર્ધામાં ટેકનોલોજી એન્ડ ઈનોવેશન ક્ષેત્રે કાર્યરત દેશભરની એજ્યુકેશનલ સંસ્થાઓએ ભાગ લીધો હતો. જેમાં જામનગરની રોબોફન લેબ દ્વારા પણ વિવિધ કેટેગરીમાં ઉત્કૃષ્ટ પ્રદર્શન કરવામાં આવ્યું હતું.
એલીમેન્ટ્રી કેટેગરીમાં ટીમ બ્રેઈની બીસના જિયાન શાહ, નવ્યા ગલૈયા તથા વિયોના શાહે રજૂ કરેલ 'ઓટોનોમસ સોલાર પેનલ ક્લિનર' પ્રોજેક્ટે સૌના દિલ જીતી લીધા હતાં અને ટીમ બ્રેઈની બીસ રાષ્ટ્રીય કક્ષાએ પ્રથમ વિજેતા થઈ હતી.
ઉપરાંત એલીમેન્ટ્રી કેટેગરીમાં ટીમ ટેક સ્પાર્ક્સના સારાહ સરિયા, દિવાન ગોસરાણી અને કશ્યપ કટારમલના પ્રોજેક્ટ 'સ્માર્ટ એનર્જી મેનેજમેન્ટ સિસ્ટમ'ને પણ કોન્સોલેશન પ્રાઈઝ એનાયત થયું હતું. જુનિયર કેટેગરીમાં ટીમ રોબો માવરીકના દિક્ષીત વોરાના પ્રોજેક્ટ 'સ્માર્ટ સ્ટોરેજ સિસ્ટમ'ને પણ કોન્સોલેશન પ્રાઈઝ એનાયત થયું હતું.
ઉલ્લેખનિય છે કે રોબોફન લેબના સેન્ટર ડાયરેક્ટર અમી શાહની સ્માર્ટ લીડરશીપમાં સેન્ટર રાજ્યથી લઈ રાષ્ટ્રીય સ્તરની ટેકનો કોમ્પિટિશનમાં ઝળહળતું પ્રદર્શન કરી નગરનું ગૌરવ વધારે છે જેને પગલે નગરના શૈક્ષણિક જગત દ્વારા પણ લેબ પર અભિનંદન વર્ષા થઈ રહી છે.
રાષ્ટ્રીય કક્ષાની સ્પર્ધામાં ઝળકનાર ત્રણેય ટીમ હવે દુબઈમાં યોજાનાર આંતરરાષ્ટ્રીય સ્પર્ધામાં દેશનું પ્રતિનિધિત્વ કરશે. આંતરરાષ્ટ્રીય સ્તરે પણ જામનગર અને ભારતનું નામ રોશન કરવા રોબોફન લેબના ઈનોવેટર્સ પ્રતિબદ્ધ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
