Author: નોબત સમાચાર
આસામના સોનિતપુરમાં સ્વ. રોન બહાદુર થાપાના પરિવારમાં સાડાત્રણસો મતદારો
ર૧ સંતાનોના પરિવારોને ઉમેરીએ તો ૧ર૦૦ નું કુટુંબ
ગુવાહાટી તા. ૧૬: આસામના એક પરિવારમાં એક, બે નહીં, પણ ૩પ૦ મતદારો છે. સ્વ. રોન બહાદુર થાપાને ૧ર પુત્ર અને ૯ પુત્રી છે. તેમની પાંચ પત્ની હતી. તેમના દીકરા, દીકરી, પૌત્ર, પોત્રી, દોહિત્ર, દોહિત્રી, પૌત્ર, પૌત્રી વગેરેની ગણતરી કરીએ તો તેમના પરિવારના કુલ સભ્યો ૧ર૦૦ જેટલા થાય છે.
લોકસભાની ચૂંટણી માટે ૧૯ એપ્રિલે પહેલા તબક્કાનું મતદાન છે. દરમિયાન આસામમાં એક પરિવારની માહિતી મળી છે. આ પરિવારમાં એક, બે નહીં, પણ ૩પ૦ મતદાતાઓ છે. આ પરિવાર તેમના મતાધિકારનો ઉપયોગ કરનાર દેશનો સૌથી મોટા પરિવારમાંનો એક છે.
આસામના સોનિપુર જિલ્લામાં સ્વર્ગસ્થ રોન બહાદુર થાપાનો પરિવાર છે. થાપાનો પરિવાર ૯ એપ્રિલે યોજાયેલા લોકસભાના પ્રથમ તબક્કામાં મતદાન કરશે. રોન બહાદુર થાપાને ૧ર પુત્ર અને ૯ પુત્રી છે. મળતી માહિતી અનુસાર પાંચ પત્ની હતી. તેમના દીકરા, દીકરી, પૌત્ર, પૌત્રી, દોહિત્ર, દોહિત્રી, પૌત્ર, પૌત્રી વગેરેની ગણતરી કરીએ તો તેમના પરિવારના કુલ સભ્યો ૧ર૦૦ જેટલા થાય છે. આ વખતની લોકસભાની ચૂંટણીમાં તેમના ૧ર૦૦ સભ્યના પરિવારમાંથી ૩પ૦ લોકો મતદાન કરવાના છે.
પોતાના પરિવાર વિશે માહિતી આપતા થાપાના એક દીકરાએ જણાવ્યું હતું કે, તેમના ઘરમાં બધા ભણેલા ગણેલા છે, જો કે તેમણે અફસોસ વ્યક્ત કર્યો કે તેમનો પરિવાર હજુ સુધી રાજ્ય અને કેન્દ્ર સરકારની કલ્યાણકારી યોજનાઓનો લાભ મેળવી શક્યો નથી. તેમના ઘરના બાળકોએ ઉચ્ચ શિક્ષણ પણ મેળવ્યું છે.તેમના પરિવારના કેટલાક લોકો બેંગલુરૂ જઈને સ્થાયી થયા છે અને ખાનગી નોકરી કરે છે, તો પોતે એક મજૂર તરીકે કામ કરે છે અને આસામમાં જ રહે છે. થાપાના આ પુત્રનો ૮ દીકરા અને ૩ દીકરીનો બહોળો પરિવાર છે.
થાપના અન્ય એક પુત્ર સરકી બહાદુર પણ તેમના પરિવાર વિશે વાત કરતા જણાવ્યું હતું કે તેમની ઉંમર ૬૪ વર્ષની છે. તેમના પિતા થાપા ૧૯૯૭ માં મૃત્યુ પામ્યા હતાં. સરકીને પણ ૩ પત્ની અને ૧ર બાળકો છે. આસામમાં ૧૪ લોકસભા સીટો માટે ત્રણ તબક્કામાં મતદાન થશે. પ્રથમ તબક્કાનું મતદાન ૧૯ એપ્રિલ, બીજા તબક્કાનું મતદાન ર૬ મી એપ્રિલના અને ત્રીજા તબક્કાનું મતદાન ૭ મી મેના થશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
