Author: નોબત સમાચાર
મોખાણા ગામ પાસે બાઈકને ઠોકર મારી મોટર પલાયનઃ એકનું મૃત્યુ
હિટ એન્ડ રનના બનાવની પોલીસ દ્વારા તપાસઃ
જામનગર તા. ૧૬: જામનગરના મોખાણા ગામ પાસે ગઈકાલે સાંજે એક મોટરે સામેથી આવતા મોટરસાયકલ સાથે ધડાકાભેર અકસ્માત સર્જયો હતો. મોટરસાયકલ પર જઈ રહેલા મામા-ભાણેજમાંથી ભાણેજનું ગંભીર ઈજા થવાથી મૃત્યુ નિપજ્યું છે. ઘવાયેલા મામાએ અકસ્માત સર્જી નાસી ગયેલી મોટરના ચાલક સામે પોલીસમાં ફરિયાદ નોંધાવી છે.
જામનગર નજીકના મોરકંડા ગામમાં રહેતા રાજેશભાઈ દિલીપભાઈ પરમાર નામના કોળી યુવાન ગઈકાલે સાંજે પોતાના ભાણેજ મનિષભાઈ સાથે મોટરસાયકલમાં મોખાણા ગામ પાસેથી જતા હતા.
આ વેળાએ એક અજાણી મોટર પુરપાટ ઝડપે ધસી આવી હતી. તેના ચાલકે રાજેશ ભાઈના બાઈક સાથે ધડાકાભેર અકસ્માત સર્જતા બાઈક પરથી મામા-ભાણેજ ફંગોળાઈ ગયા હતા. રોડ પર પછડાયેલા બંને વ્યક્તિને ઈજા થઈ હતી. જેમાંથી મનિષભાઈનું મૃત્યુ નિપજ્યું છે.
અકસ્માત સર્જી અજાણી મોટર સ્થળ પરથી નાસી ગઈ છે. સારવારમાં ખસેડાયેલા રાજેશભાઈએ હિટ એન્ડ રનના આ બનાવની પંચકોશી-બી ડિવિઝન પોલીસ સ્ટેશનમાં ફરિયાદ નોંધાવી છે. પોલીસે આઈપીસી ૩૦૪ (અ) સહિતની કલમો હેઠળ ગુન્હો નોંધી મોટરને શોધી કાઢવા તપાસનો દૌર શરૂ કર્યાે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
