Author: નોબત સમાચાર
અમેરિકાની સેનેટે ઈરાન સામે યુદ્ધ પર લગાવી રોકઃ ટ્રમ્પને બેવડો ઝટકો
આંતરરાષ્ટ્રીય સર્વેમાં લોકપ્રિયતા તળિયે
વોશિંગ્ટન તા. ૨૪: અમેરિકાના રાષ્ટ્રપતિની લોકપ્રિયતા ગગડી છે કારણ કે લોકો નારાજ છે અને સંસદમાં ઈરાન મુદ્ે નૈતિક હાર થતા ટ્રમ્પને બેવડો ઝટકો લાગ્યો છે.
અમેરિકાના પ્રમુખ ડોનાલ્ડ ટ્રમ્પની વિદેશ અને સૈન્ય નીતિઓને લઈને ખુદ અમેરિકામાં જ ભારે વિરોધનો વંટોળ ઊભો થયો છે. એક તરફ અમેરિકન સંસદના ઉપલા ગૃહ 'સેનેટ' દ્વારા ઈરાન વિરુદ્ધ ટ્રમ્પ પ્રશાસનની સૈન્ય કાર્યવાહી પર રોક લગાવતો એક મહત્ત્વનો પ્રસ્તાવ પસાર કરવામાં આવ્યો છે.
બીજી તરફ, તાજેતરના એક આંતરરાષ્ટ્રીય સર્વેક્ષણમાં પ્રમુખ ટ્રમ્પની લોકપ્રિયતા ઘટીને તેમના બીજા કાર્યકાળના સૌથી નીચલા સ્તરે પહોંચી ગઈ છે. અમેરિકન સેનેટમાં ટ્રમ્પ પ્રશાસનની ઈરાન નીતિ વિરુદ્ધ લાવવામાં આવેલો પ્રસ્તાવ ૫૦ વિરુદ્ધ ૪૮ મતોની પાતળી સરસાઈથી પસાર થઈ ગયો છે.
આ પ્રસ્તાવ અગાઉ નીચલા ગૃહ 'હાઉસ ઓફ રિપ્રેઝન્ટેટિવ્સ' માંથી પણ પસાર થઈ ચૂક્યો છે. પ્રસ્તાવ અનુસાર, જો અમેરિકન સેના ઈરાન વિરુદ્ધ કોઈ પણ પ્રકારની સૈન્ય કાર્યવાહી ચાલુ રાખવા માંગે છે, તો તેના માટે સંસદ (કોંગ્રેસ) ની સ્પષ્ટ મંજૂરી અનિવાર્ય રહેશે. ત્યાં સુધી પ્રમુખે દળોને પાછા બોલાવવા પડશે.
વ્હાઇટ હાઉસે આ પ્રસ્તાવને અબંધનકર્તા (નોન-બીન્ડીંગ) અને અસંવિધાનિક ગણાવ્યો છે. પ્રશાસનનું કહેવું છે કે રાષ્ટ્રીય સુરક્ષા માટે સૈન્ય પગલાં લેવાનો પ્રમુખ પાસે બંધારણીય અધિકાર છે. જો કે, ભલે આ પ્રસ્તાવથી કાનૂની અસર ન પડે, પરંતુ બંને ગૃહોમાં ડેમોક્રેટ અને રિપબ્લિકન સાંસદો દ્વારા ટ્રમ્પના યુદ્ધના અધિકારો પર સવાલ ઉઠાવવા એ વ્હાઇટ હાઉસ માટે મોટો રાજકીય આંચકો છે.
હાલમાં બંને દેશો વચ્ચે યુદ્ધવિરામ લાગુ છે અને સ્વિટ્ઝરલેન્ડના જિનીવામાં શાંતિ કરારને લઈને બેઠકો પણ યોજાઈ ચૂકી છે. ઈરાન સાથેના યુદ્ધની સ્થિતિ અને દેશની આંતરિક પરિસ્થિતિને કારણે અમેરિકન નાગરિકોમાં ટ્રમ્પ પ્રશાસન પ્રત્યેનો અસંતોષ સપાટી પર આવ્યો છે. 'રોયટર્સ/ઇપ્સોસ'ના તાજા પાંચ દિવસીય સર્વેક્ષણના પરિણામો ચોંકાવનારા છેઃ ડોનાલ્ડ ટ્રમ્પનું એપ્રુવલ રેટિંગ (લોકપ્રિયતા) ઘટીને માત્ર ૩૪% રહી ગયું છે, જે તેમના બીજા કાર્યકાળનું સૌથી નીચું સ્તર છે. તેમણે આ કાર્યકાળની શરૂઆત ૪૭% રેટિંગ સાથે કરી હતી.
સર્વેમાં માત્ર ૨૪% લોકોએ જ ઈરાન સામેના યુદ્ધને યોગ્ય ઠેરવ્યું છે, જ્યારે ૫૦% લોકો માને છે કે આ યુદ્ધ તેના ખર્ચ અને નુકસાનના પ્રમાણમાં બિલકુલ નકામું હતું.
આશરે ૬૩% અમેરિકનોને એવો ભરોસો નથી કે ટ્રમ્પ દ્વારા ઈરાન સાથે કરવામાં આવેલા યુદ્ધવિરામ સમજૂતીથી લાંબાગાળાની સ્થાયી શાંતિ સ્થપાશે. પ્રમુખ ટ્રમ્પ માત્ર વિદેશ નીતિ જ નહીં, પરંતુ અમેરિકાની આંતરિક આર્થિક સ્થિતિને કારણે પણ ઘેરાયા છે. દેશમાં સતત વધી રહેલી મોંઘવારી અને જીવનનિર્વાહના ઊંચા ખર્ચના મુદ્દે જનતા ભારે નારાજ છે, જેના કારણે આ મોરચે તેમનું રેટિંગ સૌથી ઓછું એટલે કે માત્ર ૨૨% નોંધાયું છે. આ ઉપરાંત તેમની કડક ઈમિગ્રેશન (આવ્રજન) નીતિ સામે પણ લોકોની નારાજગી વધી રહી છે, જ્યાં તેમની રેટિંગ ઘટીને ૩૭% થઈ ગઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
