Author: નોબત સમાચાર
રોટલી કાચી હોવાનું કહી સળીયાથી પતિએ માર માર્યાની પત્નીની ફરિયાદ
ભાણવડના સઈ દેવરીયામાં ભરબપોરે બઘડાટીઃ
જામનગર તા.૧૫ : ભાણવડના સઈ દેવરીયા ગામમાં રોટલી કાચી કેમ છે તેમ કહી પતિએ રોટલીના ડબ્બાનો પત્ની પર ઘા કરી સળીયાથી હુમલો કરી માર મારવા ઉપરાંત પતાવી દેવાની ધમકી આપ્યાની પોલીસમાં ફરિયાદ કરાઈ છે.
દેવભૂમિ દ્વારકા જિલ્લાના ભાણવડ તાલુકાના સઈ દેવરીયા ગામના રહેવાસી નીતાબેન વિજયભાઈ કેશવાલા નામના મહિલાએ ભાણવડ પોલીસ મથકમાં પોતાના પતિ વિજય હમીર કેશવાલા સામે ફરિયાદ નોંધાવી છે.
ફરિયાદમાં જણાવ્યા મુજબ ગઈકાલે બપોરે ત્રણેક વાગ્યે પતિ વિજય જ્યારે ઘેર જમવા આવ્યો ત્યારે તેણે રોટલી કાચી કેમ છે તેમ કહી રોટલીના ડબ્બાનો પત્ની નીતાબેન પર ઘા કરતા આ મહિલાને પીઠમાં ઈજા થઈ હતી. તે પછી સળીયાથી હુમલો કરી વિજયે તેના ત્રણેક ફટકા પત્નીના પગમાં મારી દીધા હતા અને ગળુ દબાવી દઈ જાનથી મારી નાખવાની ધમકી આપી હતી. પોલીસે પતિ સામે ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
