Author: નોબત સમાચાર
રોબર્ટ વાડ્રાને જમીન કૌભાંડ કેસમાં ઈડીનું તેડું
બીજી વખત પૂછપરછ માટે બોલાવાયા છેઃ
નવી દિલ્હી તા. ૧પઃ રોબર્ટ વાડ્રાને ઈ.ડી.નું બીજીવાર તેડું આવ્યું છે. તેઓને જમીન કૌભાંડ કેસમાં પૂછપરછ માટે બોલાવ્યા છે.
હરિયાણાના શિકોહાબાદ જમીન કૌભાંડ કેસમાં ઈ.ડી.એ રોબર્ટ વાડ્રાને બીજીવાર સમન્સ પાઠવ્યું છે. આ પહેલા તેમને ૮ એપ્રિલે સમન્સ પાઠવવામાં આવ્યું હતું, પરંતુ તે ઈ.ડી. સામે હાજર નહતા થયા. વાડ્રાને આજે ફરી ઈ.ડી. સામે હાજર થવાનું કહેવામાં આવ્યું છે.
ઈ.ડી.એ મની લોન્ડરીંગની આશંકામાં પૂછપરછ માટે સમન્સ પાઠવ્યું છે. રોબર્ટ વાડ્રા પર આરોપ છે કે, તેમની કંપની સ્કાઈલાઈટ પ્રાઈવેટ લિમિટેડને ગુરુગ્રામમાં ૩.પ૩ એકર જમીન ૭.પ૦ કરોડની કિંમત પર કોલોની ડેવલપ કરવાના નામે પર આપવામાં આવી હતી, જે તેમણે બારોબાર વેંચી દીધી હતી.
આ મામલો ર૦૦૮ નો છે. તે સમયે હરિયાણામાં ભૂપેન્દ્ર હુડ્ડા મુખ્યમંત્રી હતાં. હરિયાણા સરકારે આ જમીનમાંથી ર.૭૦ એકર જમીનને કોમર્શિયલ કોલોનીના રૂપે ડેવલપ કરવાની મંજુરી આપતા વાડ્રાની કંપનીને લાઈસન્સ આપ્યું હતું, પરંતુ કોલોની વિકસિત કરવાની બદલે તેમની કંપનીએ આ જમીનને ર૦૧ર માં પ૮ કરોડ રૂપિયામાં ડીએલએફ યુનિવર્સલ લિમિટેડને વેંચી દીધી હતી.
રોબર્ટ વાડ્રા પર આરોપ છે કે, હરિયાણા સરકાર પાસેથી ઓછી કિંમતે મળેલી જમીનને ડીએલએફ યુનિવર્સલ લિમિટેડને વેંચીને રોબર્ટ વાડ્રાની કંપની સ્કાઈલાઈટ હોસ્પિટેલિટી પ્રાઈવેટ લિમિટેડે કરોડોની કમાણી કરી હતી. તેમની કંપનીએ ૧૮ સપ્ટેમ્બર ર૦૧ર ના દિવસે સેલ ડીલ દ્વારા આ જમીનને ડીએલએફ યુનિવર્સલ લિમિટેડને વેંચી દીધી હતી, પરંતુ હરિયાણા સરકારે ટાઉન એન્ડ કન્ટ્રી પ્લાનિંગે લાઈસન્સને ટ્રાન્સફર કરવાની ફાઈનલ મંજુરી નહતી આપી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
