Author: નોબત સમાચાર
સમર્પણ સર્કલ પાસેથી ચોરાયેલા ફોન સાથે એક શખ્સને પકડી પાડતી પોલીસ
સપ્તાહ પૂર્વે ફોન ચોરાયાની કરાઈ હતી ફરિયાદઃ
જામનગર તા. ૧૧: જામનગરના સમર્પણ સર્કલ પાસે બસ સ્ટેન્ડ નજીકથી સપ્તાહ પૂર્વે એક આસામીનો મોબાઈલ ચોરાઈ ગયો હતો. તે મોબાઈલ સાથે પોલીસે એક શખસને ખોડિયારકોલોની નજીકથી દબોચી લીધો છે.
જામનગરના સમર્પણ સર્કલ પાસેથી ગઈ તા.૧ની સાંજે એક આસામીનો રૂ. ૧૦ હજારની કિંમતનો મોબાઈલ ચોરાઈ ગયો હતો. તેની ફરિયાદ સિટી સી ડિવિઝન પોલીસ સ્ટેશનમાં કરવામાં આવી હતી.
આ ગુન્હાની તપાસ પીઆઈ જે.જે. ચાવડાના માર્ગદર્શન હેઠળ સર્વેલન્સ સ્ટાફે શરૂ કર્યા પછી પો.કો. દિલીપસિંહ, મહાવીરસિંહને બાતમી મળી હતી કે, ચોરાઉ મોબાઈલ સાથે ખોડિયારકોલોની બસ સ્ટેન્ડ પાસે એક શખ્સ આવ્યો છે. ત્યાંથી પોલીસે રણજીતનગરમાં જૂના હુડકામાં રહેતા રફીક મહંમદ દરજાદા નામના શખ્સને દબોચી લીધો હતો. આ શખ્સની તલાશી લેવાતા તેની પાસેથી સેમસંગ કંપનીનો મોબાઈલ મળી આવ્યો હતો. તે અંગે પૂછપરછ કરાતા આ શખ્સે મોબાઈલ ચોરાઉ હોવાની કબૂલાત આપી છે. પોલીસે રૂ. ૧૦ હજારનો મોબાઈલ કબજે કરી રફીક દરજાદાની ધરપકડ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
