Author: નોબત સમાચાર
સુપ્રિમ કોર્ટની યુટ્યુબ ચેનલ હેકઃ ખળભળાટ
અમેરિકાની ક્રિપ્ટો કરન્સીની જાહેરાત દેખાવા લાગી
નવી દિલ્હી તા. ર૦: સુપ્રિમ કોર્ટની યુટ્યુબ ચેનલ હેક થઈ અને તેના ક્રિપ્ટો કરન્સીની જાહેરાત પ્રસારિત થવા લાગી તેવા અહેવાલોથી ખળભળાટ મચી ગયો છે, જો કે સુપ્રિમ કોર્ટના વર્તુળોએ કહ્યું હતું કે, તેઓને ખરેખર ખાતરી નથી કે હકીકત શું થયું છે.
સુપ્રિમ કોર્ટની સત્તાવાર યુટ્યુબ ચેનલ હેક કરવામાં આવી હોવાના અહેવાલો વહેતા થતા ખળભળાટ મચી ગયો છે. આ ચેનલ પર ક્રિપ્ટોકરન્સી એક્સઆરપીની જાહેરાતનો વીડિયો બતાવવામાં આવી રહ્યો છે. સર્વોચ્ચ અદાલત બંધારણીય બેન્ચ અને જાહેર હિતના મુદ્દાઓ સમક્ષ સુચિબદ્ધ કેસોની સુનાવણીને લાઈવ સ્ટ્રીમ કરવા માટે યુટ્યુબ ચેનલનો ઉપયોગ કરે છે.
સૂત્રો દ્વારા મળતી માહિતી મુજબ સુપ્રિમ કોર્ટની સત્તાવાર યુટ્યુબ ચેનલ હેક કરવામાં આવી છ. ચેનલ પર ક્રિપ્ટોકરન્સી એક્સઆરપીની જાહેરાતનો વીડિયો બતાવવામાં આવી રહ્યો છે. એક્સઆરપી ક્રિપ્ટોકરન્સી યુએસ સ્થિત કંપની રિપલ લેબ્સ દ્વારા વિક્સાવવામાં આવી છે. સર્વોચચ અદાલત બંધારણીય બેન્ચ અને જાહેર હિતના મુદ્દાઓ સમક્ષ સુચિબદ્ધ કેસોની સુનાવણીને લાઈવ સ્ટ્રીમ કરવા માટે યુટ્યુબ ચેનલનો ઉપયોગ કરે છે. તાજેતરમાં કોલકાતાની આરજી કાર મેડિકલ કોલેજ અને હોસ્પિટલમાં એક મહિલા તાલીમાર્થી ડોક્ટર પર બળાત્કાર અને હત્યા કેસની સુનાવણી સુપ્રિમ કોર્ટની યુટ્યુબ ચેનલ પર લાઈવ સ્ટ્રીમ કરવામાં આવી હતી.
સુપ્રિમ કોર્ટની યુટ્યુબ ચેનલ પર અપલોડ કરવામાં આવેલ છેલ્લી સુનાવણીનો વીડિયો હેકર્સ દ્વારા ખાનગી બનાવવામાં આવ્યો હતો અને 'બ્રાડ ગાર્લિંગહાઉસ રિપલ રિસ્પોન્સ ટુ ધ એસઈસીના બે બિલિયન ડોલર ફાઈન! 'એક્સઆરપી પ્રાઈસ પ્રિડિક્શન' નામનો ખાલી વીડિયો હાલમાં હેક થયેલી ચેનલ પર લાઈવ થઈ રહ્યો છે.'
સુપ્રિમ કોર્ટના સૂત્રોએ કહ્યું કે અમને ખાતરી નથી કે ખરેખર શું થયું, પરંતુ એવું લાગે છે કે વેબસાઈટ સાથે છેડછાડ કરવામાં આવી છે. તેમણે કહ્યું કે શુક્રવારે સવારે સુપ્રિમ કોર્ટની સત્તાવાર યુટ્યુબ ચેનલ પર સમસ્યા પ્રકાશમાં આવી હતી અને સુપ્રિમ કોર્ટની આઈટી ટીમે તેને ઠીક કરવા માટે એનઆઈસી પાસેથી મદદ માગી છે. આ દિવસોમાં હેકર્સ મોટા પાયે લોકપ્રિય યુટ્યુબ ચેનલોને નિશાન બનાવી રહ્યા છે. હેકર્સને તેના સીઈઓ બ્રાન્ડ ગાર્લિંગહાઉસનું નકલી એકાઉન્ટ બનાવવાથી રોકવામાં નિષ્ફળ રહેવા બદલ રિપલે પોતે યુટ્યુબ પર દાવો માંડ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
