Author: નોબત સમાચાર
જામનગરમાં કસ્તુરબા સ્ત્રી વિકાસ ગૃહના ૬૮ મા સ્થાપના દિન નિમિત્તે વિવિધ કાર્યક્રમોનું આયોજન
પ્રસિદ્ધ કથાકાર શ્રી મોરારીબાપુની પાવન નિશ્રામાં
જામનગર તા. ર૦: વિશ્વ પ્રસિદ્ધ રામ કથાકાર શ્રી મોરારીબાપુની પાવન નિશ્રામાં ગાંધી જયંતી - વિશ્વ અહિંસા દિને કસ્તુરબા સ્ત્રી વિકાસ ગૃહ-જામનગરના ૬૮ મા સ્થાપના દિન નિમિત્તે વિવિધ કાર્યક્રમોનું આયોજન કરવામાં આવ્યું છે.
ગાંધી જયંતી વિશ્વ અહિંસા દિને જામનગર સ્થિત કસ્તુરબા સ્ત્રી વિકાસ ગૃહ ૬૭ વર્ષ પૂર્ણ કરી ૬૮ મા વર્ષમાં મંગલ પ્રવેશ કરશે. આ મંગલ અવસરે વિવિધ કાર્યક્રમો તા. ર-૧૦-ર૪ ને બુધવારે સવારે ૯-૩૦ થી ૧૧ વાગ્યા દરમિયાન કસ્તુરબા સ્ત્રી વિકાસ ગૃહ પ્રાંગણ, પટેલ કોલોની મેઈન રોડ, જામનગરમાં યોજવામાં આવ્યા છે.
સંસ્થાના સ્થાપના દિવસની ઉજવણી સાથે દાતાશ્રીઓના આર્થિક યોગદાનથી આકાર પામેલ શિક્ષણ સંવર્ધન કેન્દ્રનું લોકાર્પણ, દાતાઓનો અભિવાદન કાર્યક્રમ રાખવામાં આવ્યો છે.
વિશ્વ પ્રસિદ્ધ રામ કથાકાર મોરારિબાપુની પાવન નિશ્રામાં સંસ્થાના મુખપત્ર ઋતમનો વિમોચન સમારંભ યોજાશે આ તકે તેઓના આશીર્વચન પ્રાપ્ત થશે. ગુજરાત હાઈકોર્ટના પૂર્વ ચીફ જસ્ટિસ સોનિયાબેન ગોકાણીના સાંનિધ્યમાં આ કાર્યક્રમો સંપન્ન થશે. તેમ અધ્યક્ષ દિનાબેન મહેતા, પ્રમુખ કરશનભાઈ ડાંગર તથા માનદ મંત્રીઓ હિરાબેન તન્ના અને સુચેતા ભાડલાવાળા દ્વારા જણાવાયું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
