Author: નોબત સમાચાર
કાલાવડ નજીક દાણીધાર ધામમાં તા. ર૧ ના ૩૯૮મો શ્રાદ્ધ ઉત્સવ
ગૌશાળાના લાભાર્થે સંતવાણીનું આયોજનઃ
જામનગર તા. ૨૦: જામનગર જિલ્લાના કાલાવડ તાલુકામાં આવેલ પ્રખ્યાત શ્રી નાથજીદાદાની પાવન જગ્યા દાણીધાર ધામમાં ૩૯૮ મા શ્રાદ્ધ ઉત્સવનું તા. ર૧-૯-ર૦ર૪ ભાદરવા વદ ૪ ને શનિવારના ઉજવવાનું ભવ્ય આયોજન કરવામાં આવ્યું છે.
'તુહી રામ પ્યારે રામ'ના નામથી ગુંજતી તેમજ ૧ર જીવાત્માઓની ચેતન સમાધિ આવેલ છે તેવી સંત શ્રી નાથજીદાદાની પાવનકારી અને સંત શ્રી ઉપવાસીબાપુની તપોભૂમિ દાણીધાર ગામમાં શ્રી નાથજી દાદાનો ૩૯૮ મો શ્રાદ્ધ ઉત્સવ તા. ર૧ ના સવારે ૭ કલાકે શ્રી સમાધિ પૂજનથી શરૂ થશે. ત્યારપછી ૧૦-૩૦ કલાકે પ૧ થાળ ધરાવવામાં આવશે અને સવારે ૯-૩૦ વાગ્યાથી સાંજે પ વાગ્યા સુધી બરડિયા ગ્રુપ દ્વારા કાન ગોપીનો ભવ્ય કાર્યક્રમ પણ રાખવામાં આવ્યો છે. આ ઉપરાંત રાત્રે ૯ કલાકે ગૌશાળાના લાભાર્થે ભવ્ય સંતવાણીનું આયોજન કરવામાં આવ્યું છે, જેમાં લોક ભજનિક અજયસિંહ ડાભી, લોકગાયક વિપુલભાઈ દાણીધારિયા, સંતવાણી કલાકાર કાળુભાઈ દાણીધારિયા, લોકગાયિકા શીતલબેન રાજપૂત આ ભવ્ય લોકડાયરામાં ભાવિકોનું મનોરંજન કરશે. દાણીધાર ધામના શ્રી નાથજીદાદા ટ્રસ્ટ અને શ્રી નાથજીદાદા ગૌશાળા ટ્રસ્ટના મહંત શ્રી ૧૦૦૮ સુખદેવદાસજીબાપુ ગુરુ શ્રી ચત્રભૂજદાસજી (શ્રી ઉપવાસીબાપુ) અને ટ્રસ્ટીઓએ સર્વ સેવકગણ અને ધર્મપ્રિય ભક્તોને આ કાર્યક્રમનો લાભ લેવા જણાવાયું છે. આ વર્ષે લોકમેળો બંધ રાખેલ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
