Author: નોબત સમાચાર
વડત્રા પાસે ટ્રકના ઠાઠામાં છોટા હાથી ઘૂસી જતાં એક યુવાનનું નિપજ્યું મૃત્યુ
લીંબડી પાસે અકસ્માતમાં બે યુવાન ઘવાયાઃ
જામનગર તા. ૨૦: ખંભાળિયા નજીક વડત્રા પાસે ગઈકાલે બપોરે એક ટ્રકના ઠાઠામાં છોટા હાથી ઘૂસી જતા છોટા હાથીમાં જઈ રહેલા એક યુવાનનું મૃત્યુ નિપજ્યું છે. ટ્રક ચાલકે પોલીસમાં ફરિયાદ કરી છે. દસેક દિવસ પહેલાં નંદાણાથી લીંબડી વચ્ચે એક બાઈકને ટ્રકે ટક્કર મારતા બે યુવાનને ઈજા થયાની પોલીસમાં ફરિયાદ કરવામાં આવી છે.
દેવભૂમિ દ્વારકા જિલ્લાના મીઠાપુરમાં આવેલી ટાટા કંપનીમાં ગઈકાલે બપોરે જીજે-૨૭-ટીટી ૭૩૫૩ નંબરનું છોટા હાથી સિમેન્ટના પાઈપ ઉતારવા માટે આવ્યું હતું. તે વાહન લઈને જયરામ ભીખાભાઈ ભરવાડ નામના યુવાન આવ્યા હતા. ત્યાં પાઈપ ઉતાર્યા પછી જયરામ ભીખાભાઈ છોટા હાથી લઈને પરત જતો હતો.
તે વાહન જ્યારે વડત્રા ગામ પાસે પહોંચ્યું ત્યારે જયરામે બેદરકારીપૂર્વક ડ્રાઈવીંગ કરી રાણાવાવના લીલાભાઈ અરભમભાઈ અમરના ટ્રકના ઠાઠામાં ટકરાવી દીધુ હતું. આ અકસ્માતમાં જયરામ સાથે રહેલા દેવાભાઈ બાથાભાઈ ભરવાડ નામના યુવાનને ગંભીર ઈજા થઈ હતી. દેવાભાઈનું મૃત્યુ નિપજ્યું છે. જ્યારે જયરામને ઈજા થઈ છે. લીલાભાઈએ ખંભાળિયા પોલીસ સ્ટેશનમાં તેની ફરિયાદ નોંધાવી છે.
કલ્યાણપુર તાલુકાના જુવાનપર ગામના રાજાભાઈ ચનુભાઈ કછટીયા નામના વૃદ્ધના પુત્ર જમનભાઈ તથા ભીખુભાઈ જીજે-૩૭-એચ ૩૮૩૯ નંબરના બાઈકમાં ગઈ તા.૬ની સાંજે નંદાણાથી લીબડી તરફ જતા ત્યારે જીજે-૨૫-યુ ૯૨૯૯ નંબરના ટ્રકે ટક્કર મારતા જમનભાઈ તથા ભીખુભાઈને ગંભીર ઈજા થઈ છે. રાજાભાઈએ પોલીસમાં ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
