Author: નોબત સમાચાર
કલ્યાણપુરના ભાટવડીયામાં અગમ્ય કારણથી યુવાને ખાઈ લીધો ગળાટૂંપો
આત્મહત્યાનું કારણ જાણવા પોલીસ દ્વારા તપાસઃ
જામનગર તા. ૧૮: કલ્યાણપુર તાલુકામાં આવેલા ભાટવડીયા ગામના એક યુવાને મંગળવારે બપોરે કોઈ અગમ્ય કારણથી બાવળના ઝાડમાં દોરી વડે ગળાફાંસો ખાઈ જિંદગીનો અંત આણી લીધો છે. પોલીસે મૃતદેહનો કબજો સંભાળી મૃતકના મોટાભાઈનું નિવેદન નોંધ્યું છે અને આત્મહત્યાનું કારણ જાણવા તપાસ શરૂ કરી છે.
દેવભૂમિ દ્વારકા જિલ્લાના કલ્યાણપુરના ભાટવડીયા ગામમાં રહેતા ચંદ્રેશભાઈ સોમાભાઈ સાદીયા નામના સત્યાવીસ વર્ષના યુવાને મંગળવારે બપોરે ત્રણેક વાગ્યે પોતાના ખેતર પાસે આવેલા બાવળના ઝાડમાં દોરી બાંધી ગાળીયો બનાવી ગળાફાંસો ખાઈ લીધો હતો.
ત્યાંથી પસાર થયેલા કોઈ વ્યક્તિએ ઉપરોક્ત દૃષ્ટિ નિહાળી ચંદ્રેશભાઈના પરિવાર તથા પોલીસને જાણ કરી હતી. દોડી આવેલા પ્રતાપભાઈ સોમાભાઈએ આ યુવાનને નીચે ઉતારી ચકાસતા તેઓ મૃત્યુ પામેલા જણાઈ આવ્યા હતા. કલ્યાણપુર પોલીસે મૃતદેહને પી.એમ. માટે ખસેડી, અપમૃત્યુ અંગેની નોંધ કરી આ યુવાનની આત્મહત્યા પાછળનું કારણ જાણવા તપાસ શરૂ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
