Author: નોબત સમાચાર
હાલારમાં ઠંડીઃ લઘુતમ તાપમાન ૧૪.ર ડીગ્રી
ઠંડા અને તેજીલા વાયરાઓના પગલે
જામનગર તા. ૧૧: હિમ જેવા ઠંડા અને તેજીલા પવનના પગલે સમગ્ર હાલાર પંથકમાં ઠંડીનું મોજું ફરી વળતા લોકો ધ્રુજી ઊઠ્યા છે. ન્યુનતમ તાપમાન આંશિક ઘટીને ૧૪.ર ડીગ્રી નોંધાયું હતું.
જમ્મુ-કાશ્મીર, ઉત્તરાખંડ તથા હિમાચલ પ્રદેશમાં થયેલ હિમવર્ષા પછી તેની અસર દિલ્હી, પંજાબ, હરિયાણા સહિતના રાજ્યોમાં પડી રહી છે. ઉત્તર ભારતમાંથી ફૂંકાતા ઠંડા પવનોએ ગુજરાતમાં પ્રવેશ કરતા રાજ્યના મોટાભાગના વિસ્તારોમાં પણ તાપમાનનો પારો નીચે જતા ઠંડીના બીજા દોરનો પ્રારંભ થઈ ચૂક્યો છે.
જામનગર અને દેવભૂમિ દ્વારકા જિલ્લામાં પણ ઠંડીમાં વધારો થયો હતો. હિમ સમાન ઠંડા અને તેજીલા વાયરાઓના પગલે સમગ્ર હાલાર પંથકમાં ઠંડીનું મોજું ફરી વળ્યું છે. ઠંડીના પ્રારંભ થયેલા બીજા રાઉન્ડમાં પ્રજાજનો ધ્રુજી ઊઠ્યા છે.
જામનગરમાં છેલ્લા ચોવીસ કલાક દરમિયાન આંશિક ઘટીને ન્યુનતમ તાપમાન ૧૪.ર ડીગ્રી અને અડધા ડીગ્રીના ઘટાડા સાથે મહત્તમ તાપમાન રપ.પ ડીગ્રી નોંધાયું હતું. નગરમાં ગત્ રવિવારે ન્યુનતમ તાપમાન ૧૬ ડીગ્રી અને મહત્તમ તાપમાન ૩૦ ડીગ્રી નોંધાયું હતું, પરંતુ ત્યારપછી અત્યાર સુધીમાં તેમાં અનુક્રમે ૧.૮ ડીગ્રી અને ૪.પ ડીગ્રીનો ઘટાડો થયો છે. તાપમાનમાં થયેલા ઘટાડા સાથે તેજીલા વાયરાઓનો સમન્વય થતા નગરમાં પણ ઠંડીમાં વધારો થયો છે.
જામનગરમાં છેલ્લા ચોવીસ કલાકમાં વાતાવરણમાં ભેજનું પ્રમાણ છ ટકા વધીને પ૪ ટકા રહ્યું હતું. પવનની ગતિ પ્રતિકલાકની સરેરાશ રપ થી ૩૦ કિ.મી.ની રહેવા પામી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
