Author: નોબત સમાચાર
સગીરાની છેડતી કરી ધમકી આપવાના કેસમાં પાંચ વર્ષની સખત કેદની સજા
મીઠાપુર પોલીસ સ્ટેશનમાં નોંધાયો હતો ગુન્હોઃ
જામનગર તા. ૧૧: ઓખા મંડળના મીઠાપુર પોલીસ સ્ટેશનમાં એક કુખ્યાત શખ્સ સામે સગીરાની છેડતી કરી જાનથી મારી નાખવાની ધમકી આપવા અંગે ગુન્હો નોંધાયો હતો. તે કેસ દ્વારકાની પોક્સો કોર્ટમાં ચાલી જતાં અદાલતે આરોપીને પાંચ વર્ષની કેદની સજા ફટકારી છે.
દેવભૂમિ દ્વારકા જિલ્લાના ઓખામંડળમાં આવેલા મીઠાપુર પોલીસ સ્ટેશનમાં થોડા સમય પહેલાં એક વ્યક્તિએ પોતાની સગીર વયની પુત્રીની છેડતી કરી તેણીને જાનથી મારી નાખવાની ધમકી આપવા અંગે મહિપત રણમલભા કેર ઉર્ફે કાયડી નામના શખ્સ સામે ફરિયાદ નોંધાવી હતી.
આ શખ્સ સામે પોલીસે આઈપીસી ૩૫૪ (એ), ૫૦૪, ૫૦૬ (ર), ૪૪૭, ૩૨૩, પોક્સો એક્ટની કલમ ૮, ૧૮ હેઠળ ગુન્હો નોંધી તેની ધરપકડ કરી હતી.
ઉપરોક્ત કેસ દ્વારકા સ્થિત ખાસ પોક્સો અદાલતમાં ચાલવા પર આવતા ફરિયાદ પક્ષે રજૂ કરેલી દલીલો તેમજ પુરાવાઓ ગ્રાહ્ય રાખી અદાલતે આરોપી મહિપત રણમલભા કેર ઉર્ફે કાયડીને તક્સીરવાન ઠરાવી પાંચ વર્ષની સખત કેદની સજા ફટકારી છે. સરકાર તરફથી પીપી અમિત એચ. વ્યાસ રોકાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
