Author: નોબત સમાચાર
દ્વારકામાં બેંક ઓફ બરોડાનું એટીએમ તોડી દસેક લાખની ચોરી
સોમવારે એટીએમમાં વીસ લાખ કરાયા હતા ડિપોઝિટઃ સમારકામ માટે આવેલા કારીગર સામે પણ શંકાની સોયઃ
દ્વારકા તા.૧ ઃ દ્વારકામાં ભદ્રકાળી ચોકમાં શાખા ધરાવતી બેંક ઓફ બરોડાના બેંક પાસે જ આવેલા એટીએમ સેન્ટરમાં ગઈરાત્રે કોઈ તસ્કરે મશીન તોડી તેમાંથી લાખો રૃપિયાની રકમની ચોરી કરી લીધાની વિગત બહાર આવી રહી છે. ચોરી થયાની આજે સવારે બેંકને જાણ થયા પછી પોલીસને વાકેફ કરવામાં આવી હતી. એટીએમ મશીનમાંથી અંદાજે રૃપિયા દસેક લાખની રકમ ગઈ હોવાનો અંદાજ આકારવામાં આવ્યો છે. આ મશીનની મરમ્મત માટે આવેલા એક શખ્સે જ ઉપરોક્ત કૃત્યને અંજામ આપ્યાની આશંકા સેવાઈ રહી છે. ત્યારે પોલીસે એટીએમ સેન્ટરના સીસીટીવી ફૂટેજ ચકાસવા ઉપરાંત અન્ય શકયતાઓ નજરમાં રાખી તેની તપાસના ચક્રો ગતિમાન કર્યા છે.
દ્વારકા ચોકના ભદ્રકાળી ચોકમાં જાહેર માર્ગ પર આવેલા બેંક ઓફ બરોડાના એટીએમ સેન્ટરમાં ગઈરાત્રે કોઈ શખ્સે તોડફોડ કરી તેમાંથી રૃા.૧૦ લાખની રકમ ચોરી કરી જતાં દોડધામ મચી ગઈ છે. આ બનાવની વધુ વિગત મુજબ બેંક ઓફ બરોડાના તે એટીએમમાં સોમવારે જ બેંક દ્વારા રૃા.૨૦ લાખની રકમ મૂકવામાં આવી હતી. તે પછી ગઈરાત્રે તે સેન્ટરમાં મશીનમાં તોડફોડ કરી રૃા.૧૦ લાખ જેવી રકમ ચોરી કરી લેવાઈ છે.
આ બાબતની આજે સવારે બેંકના અધિકારીઓને જાણ થઈ હતી. એટીએમ સેન્ટર પર ધસી ગયેલા બેંક અધિકારીઓએ પોલીસને વાકેફ કરતા પોલીસ કાફલો પણ ધસી ગયો છે. પોલીસે બેંક ઓફ બરોડાની શાખાના મેનેજરની ફરિયાદ નોંધવાની તજવીજ હાથ ધરી છે.
ઉપરોક્ત એટીએમ સેન્ટરમાં કોઈ ક્ષતિ ઉભી થતાં તેની મરમ્મત માટે જે કારીગરને બોલાવવામાં આવ્યો હતો તેણે જ ગઈરાત્રે 'કારીગરી' કરી હોવાનો પ્રાથમિક અંદાજ કાઢવામાં આવી રહ્યો છે ત્યારે પોલીસે એટીએમ સેન્ટરમાં મૂકાયેલા સીસીટીવી કેમેરાના ફૂટેજ ચકાસવા સહિતની તપાસ કાર્યવાહી હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
અમારા ફેસબુક પેજને લાઇક કરો અને મેળવો તમામ અપડેટસ.
https://www.facebook.com/nobatdaily/
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
અન્ય સમાચારો
