Author: નોબત સમાચાર
આરાધનાધામ પાસે જિલ્લા પોલીસ દ્વારા સેવા કેમ્પનો દ્વારકાના એસપી નિતેશકુમાર પાંડેએ કરાવ્યો પ્રારંભ
ફૂલડોલ ઉત્સવ માટે દ્વારકા જતા પદયાત્રીઓ માટે
ખંભાળીયા તા. ૧ઃ દ્વારકા જિલ્લા પોલીસ વડા નિતેશ પાંડે દ્વારા ખંભાળીયામાં આરાધનાધામ પાસે દ્વારકા જિલ્લા પોલીસ દ્વારા પદયાત્રી માટે સેવા કેમ્પનો પ્રારંભ કરાવાયો હતો.
દેવભૂમિ દ્વારકા જિલ્લા પોલીસ દ્વારા ખંભાળીયાના આરાધનાધામ પાસે દ્વારકા જતાં પદયાત્રીઓ માટે ખાસ સેવા કેમ્પનું આયોજન કરવામાં આવ્યું હતું. જેનો પ્રારંભ ગઈકાલે જિલ્લા પોલીસવડા નિતેશકુમાર પાંડેના હસ્તે કરાયો હતો. જેમાં ડીવાયએસપી હાર્દિક પ્રજાપતિ, સમીર સારડા તથા એમ.એમ.પરમાર તથા એલસીબી પીઆઈ કે.કે. ગોહેલ, એસ.ઓ.જી. પી.આઈ. પી.સી. સીંગરખીયા તથા વાડીનાર પો.સ.ઈ. ઉષાબેન ઉપસ્થિત રહ્યા હતાં.
ફૂલડોલ ઉત્સવમાં જતાં પદયાત્રીઓને સવલતો મળે તે માટે શરૃ કરાયેલ આ કેમ્પમાં સવારના સમયે ચા-નાસ્તો, બપોરે તથા રાત્રે ભોજન દિવસ દરમિયાન સતત ચા તથા સરબત, પદયાત્રીઓને રાત્રે ઉતારાની વ્યવસ્થા, ગાદલા, ચાદર, ઓશીકા, વયોવૃદ્ધ તથા થાકી ગયેલા પદયાત્રી માટે મસાજ વાઈબ્રેટરની વ્યવસ્થા તથા રાત્રે તથા વહેલી સવારે જતા પદયાત્રીઓ અંધારામાં જતા હોય તેમના થેલા પર પીઠ પાછળ રેડિયમ સ્ટીકરની વ્યવસ્થા તથા સામાન્ય મેડિકલ સારવારની દવાની વ્યવસ્થા પણ કરવામાં આવી છે.
ગઈકાલે દ્વારકા જિલ્લા પોલીસ દ્વારા શરૃ કરાયેલ આ કેમ્પમાં વિશાળ સંખ્યામાં પદયાત્રીઓએ લાભ લીધો હતો તથા દ્વારકા જિલ્લા પોલીસના સ્ટાફના માયાળુ વર્તન તથા સારી વ્યવસ્થાની પ્રશંસા કરી હતી. જિલ્લા પોલીસ વડા નિતેશકુમાર પાંડે દ્વારા પણ પદયાત્રીઓના ખબર અંતર પુછયા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
અમારા ફેસબુક પેજને લાઇક કરો અને મેળવો તમામ અપડેટસ.
https://www.facebook.com/nobatdaily/
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
અન્ય સમાચારો
