Author: નોબત સમાચાર
જામ-રાવલમાં વોર્ડ નં.૬ ના સદસ્યા રૃપલબેન ગામી બન્યા ઈન્ચાર્જ પ્રમુખ
પ્રમુખ-ઉપપ્રમુખ સામે અવિશ્વાસની દરખાસ્ત મંજુર થતા
ખંભાળીયા તા. ૧ઃ દેવભૂમિ દ્વારકા જિલ્લાના જામરાવલમાં પાલિકા પ્રમુખ ઉપપ્રમુખ સામે અવિશ્વાસની દરખાસ્ત પસાર થયા પછી કલેકટરે વોર્ડ નં. ૬ ના સભ્ય રૃપલબેન ગામીને ઈન્ચાર્જ પ્રમુખ બનાવ્યા છે.
દેવભૂમિ દ્વારકા જિલ્લાના જામ રાવલ નગરપાલિકાના બે વર્ષ પહેલા ચૂંટણીમાં સ્થાનિક પક્ષ દ્વારા સત્તા કબ્જે કરવામાં આવી હતી. જ્યારે કોંગ્રેસ ભાજપ વિપક્ષો તરીકે રહ્યા હતા તથા મનોજભાઈ જાદવના પ્રમુખપદે નવી બોડી રચાઈ હતી.
આ પછી સ્થાનિક પક્ષના જ કાર્યકરો દ્વારા પાલિકા પ્રમુખ મનોજભાઈ જાદવ તથા ઉપપ્રમુખ સામે અસંતોષ થતા તથા ગ્રાંટોના દૂરપયોગની ફરિયાદો સાથે પ્રાદેશિક નગરપાલિકા નિયામક રાજકોટને પ્રમુખ તથા ઉપપ્રમુખ સામે અવિશ્વાસની દરખાસ્ત કરતા પ્રાદેશિક નગરપાલિકા નિયામક ધીમંત વ્યાસ દ્વારા અધિક કલેકટર કક્ષાના અધિકારીને મોકલીને આ અંગે ખાસ બેઠક બોલાવતા તેમાં વર્તમાન પ્રમુખ-ઉપપ્રમુખ સામે ર૪ માંથી ૧૬ સદસ્યો દ્વારા અવિશ્વાસનો ઠરાવ મંજુર કરતા પ્રમુખ ઉપપ્રમુખ બન્નેને હોદ્દા પરથી દૂર કરવા કાર્યવાહી કરવામાં આવી છે, તથા હાલ કાર્યકારી પ્રમુખ તરીકે રાવલના વોર્ડ-૬ના મહિલા સદસ્યા રૃપલબેન કમલેશભાઈ ગામીને ઈન્ચાર્જ પ્રમુખ બનાવાયા છે.
જામરાવલ નગરપાલિકાના ઈન્ચાર્જ ચીફ ઓફિસર નસીત દ્વારા એક મુલાકાતમાં જણાવાયું છે કે થોડા સમયમાં પ્રાદેશિક નગરપાલિકા નિયામક દ્વારા નવા પ્રમુખ ઉપપ્રમુખની નિમણૂક અંગે ખાસ બેઠકનું આયોજન કરવામાં આવશે. આગામી સપ્ટેમ્બર માસમાં નગરપાલિકા રાવલની પ્રમુખ ઉપપ્રમુખની મુદત પૂર્ણ થાય છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
અમારા ફેસબુક પેજને લાઇક કરો અને મેળવો તમામ અપડેટસ.
https://www.facebook.com/nobatdaily/
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
અન્ય સમાચારો
