Author: નોબત સમાચાર
સૈનિક સ્કૂલ બાલાચડીમાં યોજાઈ ઈન્ટરહાઉસ વોલીબોલ ચેમ્પિયનશીપ
વિજેતા ટીમને ટ્રોફી એનાયતઃ ખેલાડીઓને અભિનંદન
જામનગર તા. રઃ સૈનિક સ્કૂલ બાલાચડી, જામનગરમાં આંતર સદન વોલીબોલ ચેમ્પિયનશીપ ર૦ર૪-રપનું આયોજન કરવામાં આવ્યું હતું, જેમાં વિજેતાઓને અભિનંદન અને શ્રેષ્ઠ ખેલાડીઓને બિરદાવી વિજેતા ટીમને ટ્રોફી એનાયત કરાઈ હતી.
સૈનિક સ્કૂલ બાલાચડી, જામનગરમાં ૧પ થી ૧૮ જુલાઈ ર૦ર૪ દરમિયાન ઈન્ટર હાઉસ વોલીબોલ ચેમ્પિયનશીપ ર૦ર૪-રપ નું આયોજન કરવામાં આવ્યું હતું. આ ચેમ્પિયનશીપમાં પાંચ સિનિયર હાઉસ ટીમોએ ભાગ લીધો હતો. ચેમ્પિયનશીપ લીગ-કમ-નોક આઉટ ધોરણે યોજવામાં આવી હતી. છેલ્લી લીગ મેચ ગરુડ હાઉસ અને શિવાજી હાઉસ વચ્ચે રમાઈ હતી. બન્ને ટીમોના શાનદાર પ્રદર્શન પછી શિવાજી હાઉસે ગરુડ હાઉસને ર-૦ થી હરાવીને ટાઈટલ જીત્યું હતું. એકંદરે ઈન્ટર હાઉસ વોલીબોલ ચેમ્પિયનશીપ ર૦ર૪-રપ શિવાજી હાઉસે જીતી હતી. પ્રતાપ હાઉસના કેડેટ રુદ્ર તેજાની વર્ગ ૧૧ અને કેડેટ રિધમ બંધના વર્ગ ૮ ને અનુક્રમે ચેમ્પિયનશીપના 'શ્રેષ્ઠ ખેલાડી' અને 'શ્રેષ્ઠ ઉભરતા ખેલાડી' તરીકે જાહેર કરવામાં આવ્યા હતાં.
મુખ્ય મહેમાન કર્નલ શ્રેયશ મહેતા, આચાર્ય, સૈનિક સ્કૂલ બાલાચડીએ વિજેતાઓને ચેમ્પિયન ટ્રોફી એનાયત કરી હતી. સભાને સંબોધિત કરતી વખતે મુખ્ય અતિથિએ વિજેતાઓ અને સહભાગીઓને અભિનંદન આપ્યા હતાં. તેણે કહ્યું કે, કોઈપણ પ્રયત્ન કરે છે તે રમત જીતી શકે છે. તેમણે કેડેટ્સને તમામ રમતોમાં સક્રિયપણે ભાગ લેવા અને ઓછામાં ઓછી એક રમતમાં શ્રેષ્ઠ બનવાનો પ્રયાસ કરવાની અને રમતી અભ્યાસ કરતી વખતે અને કોઈની સાથે વાર્તાલાપ કરતી વખતે સારા મુદ્દાઓ ગ્રહણ કરવા માટે સલાહ આપી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
