Author: નોબત સમાચાર
તમાચણમાં ખેતર સ્થિત ઓરડીમાંથી મળી દારૂની ૭૫ બોટલઃ એકની અટક
જોડિયામાંથી આઠ ચપલા સાથે એક પકડાયોઃ
જામનગર તા. રઃ જામનગરના તમાચણ ગામની સીમમાં આવેલા એક ખેતર સ્થિત ઓરડીમાંથી ગઈકાલે એલસીબીએ ઈંગ્લીશ દારૂની ૭૫ બોટલ કબજે કરી છે. જથ્થા સાથે ઝડપાયેલા શખ્સે સપ્લાયરનું નામ આપ્યું છે. જોડિયામાંથી ઈંગ્લીશના આઠ ચપલા મળી આવ્યા છે.
જામનગર તાલુકાના તમાચણ ગામની સીમમાં એક ખેતરની ઓરડીમાં ઈંગ્લીશ દારૂનો જથ્થો પડ્યો હોવાની બાતમી એલસીબીના મયુદ્દીન, અરજણભાઈ, ક્રિપાલસિંહ જાડેજાને મળતા પીઆઈ વી.એમ. લગારીયાને વાકેફ કરાયા પછી પીએસઆઈ આર.કે. કરમટા, પી.એન. મોરીના વડપણ હેઠળ ગઈકાલે સાંજે તમાચણમાં જયપાલસિંહ પ્રવીણસિંહ પરમારના ખેતરમાં દરોડો પડાયો હતો.
તે ખેતરની ઓરડીમાંથી અંગ્રેજી શરાબની ૭૫ બોટલ મળી આવી હતી. બોટલ તથા એક મોબાઈલ સાથે એલસીબીએ જયપાલસિંહની અટકાયત કરી છે. આ શખ્સની પ્રાથમિક પૂછપરછમાં તેણે નાની લાખાણી ગામના રવિરાજસિંહ બહાદુરસિંહ જાડેજા પાસેથી દારૂ લીધો હોવાની કબૂલાત કરી છે. બંને સામે પંચકોશી-એ ડિવિઝન પોલીસ સ્ટેશનમાં ગુન્હો રજીસ્ટર કરાવવામાં આવ્યો છે.
જોડિયા શહેરમાં આવેલા મેહુલપરી દિનેશપરી ગોસાઈ નામના શખ્સના મકાનમાં ગઈકાલે બપોરે જોડિયા પોલીસ સ્ટેશનના સ્ટાફે દરોડો પાડી તલાશી લેતા ત્યાંથી શરાબના આઠ ચપલા મળી આવ્યા હતા. મેહુલપરીની પોલીસે ધરપકડ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
