Author: નોબત સમાચાર
ગોલારાણાના ડેલામાં મકાનમાંથી મળી આવી દારૂની ૨૦ બોટલઃ બે સામે ગુન્હો
નાગડા ગામની સીમમાંથી એક હજાર લીટર આથો ઝબ્બેઃ
જામનગર તા. ૧: જામનગરના દરબારગઢ વિસ્તાર પાસે આવેલા ગોલારાણાના ડેલામાં એક શખ્સના મકાનમાંથી ગઈરાત્રે પોલીસે ઈંગ્લીશ દારૂની ૨૦ બોટલ પકડી પાડી છે. આ શખ્સે સપ્લાયરનું નામ પોલીસને આપ્યું છે. જ્યારે ધ્રોલના ડાંગરા ગામની સીમમાંથી એક શખ્સનો એક હજાર લીટર આથો તથા દેશી દારૂ પોલીસે કબજે કર્યાે છે.
જામનગરના કાલાવડ નાકા વિસ્તારમાં આવેલા ગોલારાણા ડેલા નજીક એક શખ્સના મકાનમાં દારૂનો જથ્થો પડ્યો હોવાની બાતમી પરથી ગઈકાલે રાત્રે સિટી એ ડિવિઝનના સર્વેલન્સ સ્ટાફે દરોડો પાડ્યો હતો. ત્યાં આવેલા વિપુલ નીતિનભાઈ પરમાર નામના ગોલારાણા શખ્સના મકાનમાં પોલીસે તલાશી લીધી હતી.
તે મકાનમાંથી ભારતીય બનાવટના અંગ્રેજી શરાબની જુદી જુદી બ્રાંડની ૨૦ બોટલ મળી આવી હતી. પોલીસે વિપુલ પરમારની ધરપકડ કરી પૂછપરછ હાથ ધરતા તેણે પ્રશાંત બાવાજી પાસેથી દારૂ લીધો હોવાની કબૂલાત આપી છે. બંને સામે ગુન્હો નોંધવામાં આવ્યો છે.
ધ્રોલ તાલુકાના ડાંગરા ગામની પાટડા સીમમાં નદીના કાંઠે ગઈકાલે ધ્રોલ પોલીસ સ્ટેશનના સ્ટાફે દરોડો પાડતા ડાંગરા ગામના જીતુભા ઉર્ફે જીતો ઈન્દુભા જાડેજા નામના શખ્સનો મનાતો દેશી દારૂ તથા એક હજાર લીટર આથાનો જથ્થો મળી આવ્યો હતો. દરોડા પહેલાં જીતુભા નાસી ગયો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
