Author: નોબત સમાચાર
દારૂ અંગે થયેલા નુકસાનની માગ કરી દરેડમાં યુવાન પર ત્રણ શખ્સનો હલ્લો
પોલીસે પકડી લીધો હતો દારૃઃ
જામનગર તા. ૫: જામનગરમાં થોડા દિવસ પહેલાં એક શખ્સને પોલીસે દારૂ સાથે પકડી પાડ્યો હતો. તેના કારણે થયેલુ નુકસાન ભરપાઈ કરવા એક યુવાનને દબાણ કરાતું હતું અને આ યુવાન પૈસા આપવાની ના પાડતો હતો. તેનો ખાઈ રાખી ગઈકાલે સાંજે દરેડમાં આ યુવાનના ભાઈ પર ત્રણ શખ્સે છરીથી હુમલો કર્યાે હતો.
જામનગર નજીકના દરેડમાં એફસીઆઈના ગોડાઉન પાસે રહેતા મૂળ મકવાણા ગામના નીતિન જીવાભાઈ ગોરડીયા ઉર્ફે લાલા નામના યુવાનને ગઈકાલે સાંજે તેના ઘર પાસે લાવડીયા ગામના આશિષ ગંઢા, સાધનાકોલોનીવાળા હર્ષ ગંઢા અને એક અજાણ્યા શખ્સે રોકી લઈ ગાળો ભાંડ્યા પછી જ્ઞાતિ પ્રત્યે હડધૂત કર્યા હતા.
આ શખ્સોમાંથી હર્ષ ગંઢાએ છરી વડે નીતિન પર હુમલો કર્યાે હતો, બાકીના બે શખ્સે ઢીકાપાટુથી માર માર્યાે હતો. ઘવાયેલા નીતિને પોલીસમાં ફરિયાદ નોંધાવી છે. તેણે ફરિયાદમાં જણાવ્યા મુજબ તેના ભાઈ પરેશના મિત્ર રોહિત ત્રિવેદી ઉર્ફે જીંજોડાને થોડા દિવસ પહેલા પોલીસે દારૂના જથ્થા સાથે પકડ્યો હતો. તે દરોડો પરેશના કારણે પડ્યો હોવાનું અને દારૂના રૂ. ૩૫ હજારનું નુકસાન થયાનું કહી આશિષ, હર્ષ તથા અજાણ્યો શખ્સ તે રકમ આપી દેવા કહેતો હતો. પરેશ આ રકમ આપવાની ના પાડતો હતો. તે પછી ગઈકાલે પરેશને ધોકાવવા ત્રણેય શખ્સ કાવતરી રચીને આવ્યા હતા અને તેઓએ નીતિનને તારો ભાઈ ક્યા છે તેમ કહી ગાળો ભાંડી હુમલો કર્યાે હતો. પોલીસે એટ્રોસિટી એક્ટ તથા બીએનએસની કલમો હેઠળ ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
