Author: નોબત સમાચાર
ગાયને રોટલી આપવા ગયેલા વૃદ્ધાના ગળામાંથી ઝૂંટવાયો ચાર તોલાનો ચેઈન
ગાયને હટાવવાનું નાટક કરી ધ્યાન ચૂકવી દેવાયું:
જામનગર તા. પઃ જામનગરના સરૂ સેક્શન રોડ પર રહેતા એક વૃદ્ધા ગઈકાલે બપોરે ગાયને રોટલી આપવા માટે ગયા ત્યારે ત્યાં ધસી આવેલા અજાણયા શખ્સે તે વૃદ્ધાના ગળામાંથી રૂ. ૮૦ હજારની કિંમતનો સોનાનો ચાર તોલાનો ચેઈન ઝૂંટવીને પોબારા ભણી લીધા હતા. પોલીસે આ શખ્સના સગડ દબાવ્યા છે.
જામનગરના સરૂ સેક્શન રોડ પર માહી ડેરી સામે ગોડ ગીફટ એપાર્ટમેન્ટમાં રહેતા લતાબેન સુંદરલાલ સુગંધ નામના પાંસઠ વર્ષના સિંધી વૃદ્ધા ગઈકાલે બપોરે બારેક વાગ્યે ગાયને રોટલી ખવડાવવા માટે નીકળ્યા હતા.
આ વૃદ્ધા ઘર નજીક આવેલા શિવ દર્શન એપાર્ટમેન્ટ પાસે ગાયને થાળીમાં રોટલી આપીને ઉભા રહ્યા હતા. તે પછી થાળી પાછી લેવા માટે લતાબેને હાથ લંબાવ્યો હતો પરંતુ ગાય થાળી અડકવા દેતી ન હતી. આ વેળાએ એક અજાણ્યો શખ્સ આવી ચઢયો હતો. તેણે ગાયને હટાવવાનું નાટક કરી લતાબેનનું ધ્યાન હટાવી દીધુ હતું. તે પછી મોકો જોઈને આ શખ્સ વૃદ્ધાના ગળામાંથી રૂ. ૮૦ હજારની કિંમતનો સોનાનો ચાર તોલાનો ચેઈન ઝૂંટવીને પલકવારમાં નાસી છૂટ્યો હતો.
આ બનાવ બનતા જ તે મહિલાએ બુમ પાડી હતી પરંતુ તે પહેલાં અંદાજે ૩૦થી ૩૫ વર્ષની વયનો આ શખ્સ નાસી જવામાં સફળ રહ્યો હતો. તે પછી લતાબેને સિટી બી ડિવિ. પોલીસ સ્ટેશનમાં ફરિયાદ નોંધાવી છે. પોલીસે તે વિસ્તારના સીસીટીવી ફૂટેજ ચકાસી તપાસ આરંભી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
