Author: નોબત સમાચાર
જી.જી. હોસ્પિટલમાં શંકાસ્પદ ચાંદીપુરાની ૯ માસની બાળકીનું સારવાર દરમિયાન મૃત્યુ
ત્રણ દિ' પહેલા મીઠાપુરના ૧૩ વર્ષના બાળકને પણ દાખલ કરાયો હતો
જામનગર તા. પઃ ચાંદીપુરાના શંકાસ્પદ બાળ દર્દીનું જામનગરની હોસ્પિટલમાં સારવાર દરમિયાન મૃત્યુ થયું છે. મીઠાપુરના એક અન્ય બાળ દર્દીને પણ ત્રણ દિવસ પહેલા દાખલ કરાયો હતો, જે સારવાર હેઠળ છે.
જામનગરમાં ચાંદીપુરા અને કોલેરાના રોગનું પ્રમાણ ધીમા પગલે સતત વધી રહ્યું છે. ત્રણ દિવસ પહેલા જામનગરની હોસ્પિટલમાં ચાંદીપુરાના શંકાસ્પદ બે દર્દીઓ સારવાર માટે દાખલ થયા હતાં. તેમાંથી એક ૯ માસની બાળકીનું સારવારમાં મૃત્યુ થયું છે.
જામનગરની માત્ર ૯ માસની બાળકીને ચાંદીપુરા રોગના લક્ષણો જોવા મળતા તેણીને ત્રણ દિવસ પહેલા સારવાર માટે જી.જી. હોસ્પિટલમાં દાખલ કરવામાં આવી હતી. જેનું સારવારમાં મૃત્યુ થયું છે. જો કે આ બાળકીના જરૂરી નમૂના લેબોરેટરીમાં પૃથક્કરણ માટે મોકલાયા છે. પણ હજુ તેનો રિપોર્ટ મળ્યો નથી.
આ ઉપરાંત દેવભૂમિ દ્વારકા જિલ્લાના મીઠાપુરના ૧૩ વર્ષના એક બાળકને પણ તાવની બીમારીને કારણે અને શંકાસ્પદ ચાંદીપુરાની સારવાર માટે જામનગરની હોસ્પિટલમાં દાખલ કરવામાં આવ્યો હતો, જેની સારવાર ચાલી રહી છે.
જામનગરના શંકરટેકરી વિસ્તારમાં રહેતા એક પરિવારની માત્ર ૯ માસની બાળકીને ચાંદીપુરા જેવા જીવલેણ રોગના લક્ષણો જોવા મળતા તેને સારવાર માટે હોસ્પિટલમાં દાખલ કરવામાં આવી હતી, ત્યારે જ તેની હાલત નાજુક હતી, પરંતુ ટૂંકી સારવારમાં જ તેનું મૃત્યુ થયું હતું.
આ સાથે જામનગરમાં કોલેરાનું પ્રમાણ પણ સતત વધી રહ્યું છે અને સમયાંતરે નવા-નવા કેસો નોંધાઈ રહ્યાં છે. બીજી તરફ શહેર જિલ્લાના આરોગ્ય વિભાગ દ્વારા જરૂરી આનુસંગિક કામગીરી હાથ ધરવામાં આવી રહી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
